Kay 89 arinishka apuchiwan, Mamallakta Tantanakuy allichishka Incentivos para Asociaciones Público- Privadas y la Inversión Extranjera mushuk kamachiyta chaskirka, kay mushuk llankaykunatami yanapanka, paykunaka tukuylla, shukpaklla llankaykunata ashtawankarin rikunka.
Kay llankay ukupi, kamachiyta paktachinkapa llankana ñankunata, kamaywasikunata churanka, ashtawankarin kapukyachik llankaykunapi kullkita churashpa yanapan, kipaman Hatun Kamachikpak makimanta nipakunata, llankayta, mitachita Mamallaktamanta, istallaktamanta kullkiwan yanaparinka.
Kay Comisión del Desarrollo Económico, Productivo y la Microempresa minkashkata pushak, Lídice Larrea, killkashka pankakunata rikushpa, kamachiyka pakllapi, kitikunapi llankayta yanapanka, llankaykunata wiñachinka, Mamallaktapi llankay tiyachun achkata yanapanka.
Ashtawan llankaykunata sinchiyachinkapa churashka kullkimanta anchurinka, kullkita kachankapa, mintalankapa shinallatak kanka, kayshina tukuylla llankayta rurankapa Régimen Tributario Interno llankaymanta anchurinka.
Kay kamachiyta katishpa, tukuy llankaywasikuna tantarishpa llankanatami ushan, shina ashtawan llankaykunata sinchiyachinka shuk yuyarikunata aspinka, shukpaklla, tukuylla llankak wasikunata tawtasami shutikunata churashpa tantarikunata wiñachinka, chaykunata Mamallaktapi, istallaktakunapipash wiñachinata ushanmi.
Shinallatak kay kamachiyta katishpa Comité Interinstitucional de Asociaciones Público-Privadas tantarita wiñachin. Mamallatapak hatun kamachikkunapash yaykurinka, paykunaka tukuylla, shukpaklla tantarikunata rikunka. Chaykunata pushankapa hatun kamachik tiyanka, paymi shukpaklla, tukuylla llankaykunata rikushpa pushanka, llankana ñankunatapash wallpanka. Shinallatak Servicio de Rentas Internas kamachikkunapash chaypimi kanka.
Kay Consejo Sectorial de la Producción, kay kamachiy arinirishka punchamanta, Kamukipipi killkarishka 30 puncha paktakpi, Subconsejo para las Asociaciones Público-Privadas tantari wiñarinka, paykunaka Consejo Consultivo de Desarrollo Productivo kunakman yakurishka kanka.
Ima llakikuna tiyakpika, llakikunata chawpik kamachikkuna tiyanka, paykuna Apya-yala yuyaywan llankanka, llankay yuyaykunata aspinka, shinallatak imatalla ruranata rikunka, kamachiypi arinishka tiyak pachamamata rikuna yuyarita mana killkankachu.
GC/pv/jc-kichwa
