Kay Gestión de la Identidad y Datos Civiles kamachiwan kikinpankata mushukyachina, chaypi tiyak willayta allichina mana ñapash mutsurinchu. Shinami mana Gabriela Rivadeneira pushak willarka. Payka sasi killa, 10 punchapi arinishka kamachiyta, 15 kamachiyta arinishkatapash willarka.
Mamallakta Tantanakuyta pushak Pisulí llaktaman rirka, Quito llakta hawamanmi sakirin, chaymi kunan wata imatalla llankashkata riksichinkapa rirka. Kay Identidad kamachiy hawa rimashpa Mamallakta tawkasami kawsayta charishpa mushuk wallpata, runakunapi mushuk rimanakuyta kunanka rikuchin nirka. Kamachiykunaka hayñikunata kamanatami charin nirka. .
Kay kamachiy mushuk kamaywasiyachin, Mamallakta mushukyaywan paktami kan nirka. Kikin pankaka llaktayuktami rikuchin, shina ima yachayta charishkata mana rikuchinka. Kunan kikin pankaka Documento Nacional de Identidad (DNI) shutita charinka, kikin kaytami rikuchinka, shinami Alexandra Ocles kamachiy killkak rimarka, payka Gobiernos Autónomos llaktapak ukupimi kan.
Kamachiy killkak DNI imashina kak yawarta charikta mirachishka, aychawata kuk kashka, sexo rimayta, género rimayman rantinchina nirka, 18 watata charishpa shina shutirina. Mamallakta Tantanakuy GLBTI tantaripak rimayta hapishka kan, kay rimaytaka atinakushpa katinami kan, Mamallakta Tantanakuyta pushak rimarka, pay munashpami kikin pankata ramtinchinka nirka.
Paymanta, Alexandra Ocles mushuk kamachiyka, shuk taytamamapi warmipak shuti kallaripi richun, kusapak shuti katipi killka richun, shina pakta kachun nirka, tukuykunami wawakunata kamana kanchik, tukuykuna chay hayñitallatak charinchik nirka.
Llankay rikuchikushpa kay Justicia Laboral y Reconocimiento del Trabajo en el Hogar kamachiy hawa, Código Civil kamachiy hawa, warmi wawakunapak, mana 18 watata charishpaka sawarinata mana usharinkachu, warmikunata awarishka punchamanta kusa charishkakunata rikuchun riman.
Kay kamachiywan tawka llakikunata allichinka, kikinpankata charichun yanapanka, mayhan ista runakuna kashkata akllanka, rikuchinka.
LM/pv/jc-kichwa
