Shamuk kullka, 7 puncha, kullka killpi, 9h30 sayllamanta, Mamallakta Tantanakuypak 362 tantari katinka, chaypi Tierras Rurales y Territorios Ancestrales kamachiy hawa ishkayniki atinakuyta charinka, kallari atinakuyka 17 puncha, kapak killa, 2015 watapi kallarirka. Kay kamachiyka allpaman yaykurinkapa, allpata charinkapa allichinatami rikuchin, shinalltak runakunata yanapana, pachamamata yanapana llankaytami charinka.
Kay kamachiyka allpapi tiyarishkata, allpata charinata, kamanata, paklla allpakunata kutintak alli rakinata, pachamamata charichun, ama wakllichichun, allpata kamachiywan charichun rikunka.
Shinallatak sapsikuna, ayllullaktakuna, llaktakuna, runa llaktakuna, yana llaktakuna, yunkallaktakuna charimushka allpakunata kamanka.
Kamachiywan shukpaklla allpata, pakllapi tiyarishka allpata, sapsikuna, ayllullaktakuna, llaktakuna, runa llaktakuna, yana llaktakuna, yunkallaktakuna charimushka allpakunata kamanka; tarpuna, wiwakunata charina, yurakunata tarpuna, wakaychishpa charina allpakunata tantarishka runakunaman paktapakta rakichun kamanka; ama yalli allpata charichun harkana, shukpaklla makipi ama sakirichun harkana; kaymi mushuk kamachiypi churashka yuyaykuna kan.
Shukmanta, Mamallaktapak Allpa Hatun kamachik, pakllapi kawsak wakcha runakunata yanapanka, kay Unidad Productiva Familiar allpapak mana urayman kankachu, chayka murukunata tarpushpa mirachinkapami kanka, yachaykunatapash ruranka, sumakruraywan, kullkiwanpash yanapanka.
Ista llaktamanta shamuk kullkikunawan awki mikunakuna tiyachun yanapanka, tukuy llankaywasikunata paktachinaka, ista llaktamanta runakuna, mishukuna ñukanchik llaktakunapak allpapai tarpunata mana ushankachu.
Mamallakta achka allpata charishpa, achka kullkiwan llankakushka, shuktak kullkiwan llankakushka allpakunapi, llankaywan katinata ushanmi. Sapsipak allpapi, shukpaklla allpapi llankanatapash ushanmi, kay llankaykunataka Mamallaktapak Allpa Kamachikmi rikunata charin.
Kamachiywan rikushpa, ista llaktamanta apamushka kullkiwan allpata rantinkapa, mañachishkawan, kapukkunatalla hapinkapa, kay allpakuna shukpak makipi sakirichun mana sakinachu.
Kamachiypi rikushpa paklla allpakunata shuklla, kamachiywan arinishpa runakunamana mana katunachu kan, chayka Mamallaktapura saywa, mamakuchapak manya yunka llaktapi ishkaychunka waranka tupu allpa ukupimi kanka, kamachiywan harkashka, ukllashka allpakunapipash mana katunata usharinkachu.
GC/pv/jc-kichwa
