Kay Fiscalización minkashka tantarikuna kachashka pushakkunata chaskirka, ´´Criadores de Ovino Señor Maca´´, shinallatak ´´Trabajadores Agricultores Autónomos La Majadita´´ tantarita chaskirka, chay runakuna Ministerio de Agricultura, Acuacultura, Ganadería y Pesca kamaysiwan, Banco Nacional de Fomento (BNF) kullkiwasiwan llakita charishkata rikurka.
Kay Comisión de Fiscalización shamuk chilla, 13 puncha, kulla killapak Agricultura, Javier Ponce Cevallos hatun kamachikta kayarka, kaypi shuk wanay katikushkata rikunka, shimi María José Carrión kamachik willarka.
Pankakunata rikukpi, 28 puncha, wayru killa, 2015 watapi, Ponce Hatun kamachik, Trabajadores Agricultores Autónomos tantaripak wanayta chaskin ´´La Majadita´´ shutimi kan, shinami Predio La Majadita allpapi kamachiy arinishkawan tarpushpa katirka.
Luis Alvarado Mindiola, kay llankay tantarikunata, chay Eduardo Torres, kamahchiyta yachak, chay Corte Provincial del Guayas kamaywasipi wanay sirikta rikuchichun mañarka, chayka kullkiyuk wasi llakita charishkatami rikn, 4´831,750 dólar kullkitami mana alli llankachishka hawa riman, chay kullkitaka 250 tarpukkunami llankanka kullkita mañarka, shinami paykunaka Hacienda La Majadita allpapi tarpurka.
Chay watapillatak ishkay killa kipa, ´´Criadores de Ovino Señor Maca´´ tantaripak wanayta chaskirka, Uruguay Mamallaktamanta llamakunata pushamushka hawa llaki tiyashkatami willachun mañarka. Kay tantaripak pushakkunata uyashpaka llamakunata mana hampishkata, kinchata mana rurashkata, uruguaya llaktamanta 200 llamakunata pushmushka hawa tapurka.
Chay Segundo Ayala Choloquinga, kay ´´Criadores de Ovino Señor Maca´´ tantarita pushak shina, Uruguaya llaktamanta llamanakunata pushamushkamanta BNF kullkiyuk wasi mana ishkay watata shuyarka, 84 waranka kullki puchushkamanta, may ima tukushkata riksinkapa shuk taripayta rurachun mañarka, kay llakika MAGAP kamaywasipak ñawpa llankaktami huchachin.
PJ/pv/jc-kichwa
