Kay Alexandra Ocles Pichincha markamanta kamachiy killkakmi kan, llaktakunapak, runallaktakunapak shimikuna hayñimanta rikuchirka, kay kamachiyka ñawpa pachamanta charimushka rimaykunata riksinka. Kay kamachiywan Mamallakta shimikuna ukllayta, yachayta, taripanata, wiñachinata kamanka.
Kay kamachiy tukuy ñawpa pachamanta rimashpa shamuk runakuna paykunapak shimipi paypura, tukuypak ñawpak mana kichkirishpalla rimashpa katichun yanpanka, shinallatak tukuy sami llankaypi, kullki llankaypi, yachaypi, llaktaypi, kawsaytarpuypi, iñipi rimanata ushachun yanapan.
Shinallaktak ñawpa pachamanta rimashpa shamuk runakunapak sapsi hayñita charikta riksin, paykunapak rimayta charichun, paykunapak kawsaysaypi sapi kakta, shuktak shimi ayllu ukupi kachun riksin.
Kuskakunapak shutita, shimita yachak kamachik riksishka kanka, allpapak shutikunata tukuykuna riksichun kipushpa riksishka kanka.
Tukuylla kamaywasikuna paykunapak shimipi rimashpa chaskinka, ima willayta churak runakunapash paykunapak shimipi rimashpa churanka, chayta Mamallakta kamanka. Shina paykunapak hayñita paktachinka.
Shuklla, tukuylla kamawasikuna kikinshimita charik runakunapak llaktakunapi, runallaktakunapi katushpa chay runakunapak shimipi rimashpa katunata charin, shina shimi hayñikunata paktachinka.
Chay (SENPLADES) hatun kamachikkuna, Kikinllatak Karupi Kamachikkuna, llaktakunapak, runallaktakunapak, Secretaría Nacional de Política Lingüística y el Consejo Nacional para la Igualdad de Pueblos y Nacionalidades kamachikkuna tantarishpa shimikunata ukllana, rimashpa katina, shimita sinchiyachina yachaykunata pushanka.
Taripaykuna Instituto de Lenguas Ancestrales del Ecuador makipi kanka, paykunami Hatun Yachana wasikunawan, tantarikunawan, kay kamachiywan shimikuna ukllayta, yachayta, taripanata, wiñariyta kamanka.
Yachaytaka runakunapak rimaypimi pushanka, chayka: kallari, tiksiyachay, pakta yachay, hatun, sumakruray yachay tukuytami kikin rimaypi pushanka. Kay kamachiy killkakatina pankakunata, shimita sinchiyachina, yachachikkunata kikinshimipi yachana hawa pushanka, imatalla taripana yachayta yachayta pushanka.
GC/pv/jc-kichwa
