Kamachiy killkak Zobeida Gudiño, Zamora Chinchipe markamanta, Anti kamachiy killkak Silvia Salgado kamachiy killkak, Educación Intercultural Bilingüe del Ministerio de Educación kamachikunawan, Margarita Arotingo pushakwan tantaririka, Mamallaktapi runakunapak kikin shimiwan yachayta mirachina hawa rimarka.
Chay ONU hatun tantari, kay Decenio Internacional de los Afrodescendientes shutiwan hatun willayta rurashka kipa, shinasami yanchana wasikunata wiñachinka shuk munay tiyan Silvia Salgado kamachiy killkak rimarka.
Tukuy Antisuyupak kamachiy tiyachun nirka, chaywan hayñikunata kamana, yachayman yaykurichun, afrodescendiente runakuna charimushka kawsayta riksinkapa nirka, chaypak runa tantarikunawan, kamaywasikunawan llankana nirka.
Paymanta, Zobeida Gudiño, kay Mesa del Decenio llankaywan, Mamallakatapi etnoeducación sinchiyarka nishpa rimarka, shina tukuy yachay llikata sinchiyachinka, mana shuk tantaripaklla kankachu nirka. “Chay yachaywan runawan, mishuwan tsikni anchurinka, etnoeducación shukpak kawsayta hamutachinka nishpa”, riksichirka.
Tawsami kawsay, kawsapura Mamallakta kachunka, runapaklla yachay yuyayta anchuchina, shuktak kawsaykunaman, llaktakunaman yachay chutarichun yachachina nirka, chaypak yachachikkuna hatun yachayta charina, paykuna shuktak llaktakunaman shimita churachun nirka.
Kamachik Margarita Arotingo pushak, Ministerio de Educación kamaywasi etnoeducación yachayta tukuy yachay patakunapi churana nirka, chayraykumi yachachina ñanpi runamanta yachayta, pachamamamanta yachana, shimimanta yachana, arawimanta yachana yuyaykunata churashka kan nirka.
Kallaripika, maypimi achka yana runa yachachikkuna tiyak markakunapi paykunaman kay yuyay hawa yachachina kan; ishkayniki llankaypi tukuy yachachikunawan Mamallaktapi rikuchina kan, paykunaka etnoeducación hawa yachachina nishpa rikschirka.
JC-kichwa
