Kay Educación, Cultura, Ciencia y Tecnología minkashka, Raúl Abad kamachiy killkak pushashka, hatun yachanawasikuna llakirishkata allita rikun, Hatun Sumakrurak Wasita, Consejo de Educación Superior (CES) kamachikkuna llakichishkata rikun. Kay Guayaquil hatun yachana wasiwan kallarirka.
Kay llankaykuna ukupi René Ramírez, CES pushakta chaskirka, payka Universidad de Guayaquil yachana wasipak kamachikkuna yanapashka karka. Kay tantaripi Federación de Estudiantes Universitarios del Ecuador pushakkuna karka, Guayaquil llaktamanta Andrés Santos kay tantarita pushakurka.
Runakuna mushukyanaka, hatun yachana wasikuna mushukyakpimi ashtawan alli rikurin, shinami, Ramírez hatun kamachik rimarka, Universidad de Guayaquil yachana wasi shitashka kakta rikushpami shina nirka, 25 watatami shitashka karka, kay ishkay tukuri watakunapika ukumantami mushukyashka rikurin.
Chay 23 puncha, wayru kila CES kay yachana wasiman yaykurishpa llakita riksinata rimarka, kay llakikunata, wallpapi hatun llakikuna tiyashkata rikurka: mana kullkita hapinata mana paktachirka, tiksita mana paktachikpi 700 yalli wanaykuna tiyarka, sukpaklla llankakwasikuna churashka kullkita tikrachichun 16 waranka mañaykuna tiyarka, chaytami rikurkakuna.
MG/pv/jc-kichwa
