Chay Tungurahua markapi kawsak runakuna Código Orgánico del Ambiente kamachiy hawa willankapa, kipaman paykunapak yuyayta kuchun, kay Biodiversidad minkashka, chay Ambato llaktapi achka runakunaman riksichirka.
Chay rimanakuypi Cecilia Chacón, Tungurahua marka kipapushak; Alexandra Salazar, Gestión y Calidad Ambiental markapi puchak; Biodiversidad y Recursos Naturales pushak Carlos Viteri Gualinga kamachiy killkak, Elizabeth Reinoso warmi kamachiy killkak, payka Tungurahua markamanta kamachiy killkakmi kan.
Kamachiy killkak Carlos Viteri Gualinga, mushuk kamachiy hawa llankay imashina paktashkamanta, mushuk yachaykunata kuk kamachiymi kan nirka, kayaman yachachikkmi kan, runakuna atinakushka paktapakta yuyayta charik kamachiymi kan nirka, kullkiyachik, pachamamata yanpak llankayta kukmi kan nirka.
Sumak kawsaymi tiksi kan, chaypak muyuntinpimi hayñikuna, llaktayukkuna, Mamallakta kay llankayta charirayana kan, chayka pachamamata sumaychakmi kan nirka, kay kamachiywanka muyuntin kawsayta rikunami nirka.
Carlos Viteri kamachiy killkak, kay Kamachiy runapak munayta, pachamamapak muyuntinpi mana yanka llankanata riksichin; pachamama hawapi tiyakkunamanta llankaypak tawka pata kamachikkunata kichkiyachin; pachamama alli kawsachun runakuna pachamamawan kimirishka kawsachun yuyayta kun, kunan, runakunapak yuyaytapash allichin.
Kay Código kamachiy tukushka kamukunaka, chirikunuk hawami ashtawankarin llankanka, kay Ecuador llakta kayta rikurayashpa, chaparayashpami llankanata charin, chayka pachamama ama wakllirichun ashtawan rikunata, chapanata charin.
Kay Código Orgánico del Ambiente kamachiyta ishkaykutin Tungurahua markapi riksichinaka, kay killapak 25 punchami kanka.
RSA/pv/jc-kichwa
