Kay Derechos Colectivos minkashka Consejo de Participación Ciudadana y Control Social kamachik willashkata chaskirka, payka Yolanda González shutimi kan, chay Consejos para la Igualdad kamachikkunata churankapa uchilla kamachiyta allichikushkata willarka, chaymanka kamachiywan tantarishka runakunami chayanka.
Pay warmi kamachik kay pankakunami llaktayukkuna chaypi kachun yanapanka, Consejos de la Igualdad chikan llaktayta charishkawan yanaparinka nirka, kamachikkunata akllana wayrukillakama arinishka kachun shuyana nirka.
Kay tantaripika Gina Quintanilla, payka Consejo de Igualdad de Género tantarimanta; José Chalá, payka Corporación de Desarrollo Afroecuatoriano tantarimanta, Francisco Carrión, payka Consejo Intergeneracional tantarimanta karka, kay tantarikunawan llankashka kan.
Warmi kamachik, kulla killa 25 punchamanta, 29 punchakama Guayaquil, Azogues, Ambato, Quito Montecristi llaktakunapi yanchaykunata rurashun, chaypi llaktayukkunapak yuyaykunata hapishun, shina tukuylla llaktapi yanapachun mutsuk runakuna yaykurichun munanchik nirka.
Shinami Yolanda González llaktakuna, runallaktakuna, warmi tantarikunapak, tisiku runakunapak, purik runakunapak, pakta runakunapak, yuyak runakunapak, LGBTI tantaripak yuyaykunata churashkawan uchilla kamachiyta killkana kanka nirka.
Kay Consejo, mutsurikpi, chay Comisión Técnica tantarita wiñachirka, kay kamachikkunami Consejos Nacionales de la Igualdad kamaywasiman yaykurichun uchilla kamachiyta wiñachinka, kay kamachiywan mishanakuna ñanta churana, shina: Movilidad Humana, Género, Discapacidades, Intergeneracional, Pueblos y Nacionalidades tantarikunaman yaykurichun akllanka, kay llankayka kipaman rantinchina, llakta ushaywan chaypi kana, yaykuchina, tukuypak kachun yuyaywan kanka.
Kay yuyaykunawan uchilla kamachiyta killkashka kan, kay llankaypi Gina Quintanilla, del Consejo de Igualdad de Género tantarimanta; Sandra Zapata, Igualdad de Discapacidades tantarimanta; Xavier Torres, Conadis tantarimanta; Rosa Plaza, migrante retornada tantarimanta, Susana Fuente, trabajadora social, Igualdad de Movilidad tantarimanta; Igualdad Intergeneracional tantarimanta Francisco Carrión; Pueblos y Nacionalidades tantarimanta, José Chimbo. Warmi kamachik Tamara Merizalde yanaparka, payka wawakuna, imillakuna yuyaykunawan yanaparka. Shuktak kamachikkunapash karka.
RSA/pv/jc-kichwa
