Urkuqui kiti 32 watata paktachikpi, maypimi Yachay amawta wasi tiyan, mama Gabriela Rivadeneira, Mamallakta Tantanakuyta pushak, Código de la Economía Social de los Conocimientos, Creatividad e Innovación yuyayta llaktayukkunaman riksichirka.
Allpapachapi shuklla Mamallaktami kamachiykunata shuk kamupilla tantachinkapa arinishka kan, chaymi mushuk yachaykunata kuk Mamallakta rikurin, shamuk mushuk runakunami kaytaka rantinchinka, paykuna kishpiyrishka Mamallaktaman tikrachinka.
Llakta wiñariy hawa, kullki mirari hawa mushukyachun arinishpaka, imashina ruranatami mashkarkanchik, chaykunaka amawtapi, mushuyaypi, sumakruraypi tiksirirkakuna, Mamallaktapi wiñaykawsaymi shuktakyarka. Ecuador llakta chikan kachunmi mashkarkanchik, chaypak kullki llikata, kapukyaytami sinchiyachirkanchik. Kunan mikunchik, kay tawka kapukkunami istallaktamanta shamun, chay kapukkunataka ñukanchikllatakmi ruranata ushanchik.
Shukmanta rimashpaka, Mamallakta Tantanakuypika Derechos Lingüísticos kamachiyta llankakunchik, kay kamachiy runallaktakunapak shimi hayñitami kaman nirka, kikin shimita unipak charinatami kun, shinallatak kay Código de Ciclo de Vida kamachiypash tukuy runakunapak wawamanta, yuyakkama kawsaytami kaman, ukllan nirka. Shuktak kamachiykunapak llaktayukkunatami yanapashpa katin.
JLVN/pv/jc-kichwa
