Apya-laya, Caribe llaktakunamanta 17 Mamallaktakuna chayamushka, kari warmi 30 kamachiy killkakkunami kan, Quito llaktapimi Red Parlamentaria por la Soberanía y la Unión Latinoamericana y Caribeña shutiwan rimanakunka, kaypimi ñawpa kamachiy killkakkuna, kunan kamachiy killkakkuna awkikaymanta, wankurimanta rimankakuna, shinami chunka watapi paktashka hayñikunata ukllankapa kaparinka.
Kay hatun willaypi, Gabriela Rivadeneira, Mamallakta Tantanakuyta pushak, kamachiy killkakkunashina, “kay América Latina y el Caribe llaktakuna tantarinka suk huk wiñaykawsay llankayta charinchik nirka. Kay awkikaymanta, kishpiyrinamanta llankayka kallaripimi kan. Hatun charikkunamanta manchachishka kanchik, llakta ushayta manchachisha munankuna; suyupi llapina yuyaykuna mirarikukpi asha llakilla kanchik”.
Kay tantanakuyka Argentina, Chile, Brasil, México, Venezuela, Bolivia, Surinam, Uruguay, Guyana, Colombia, Guatemala, Costa Rica, Cuba, Bolivia, Nicaragua, Antigua y Barbados, Granada, San Vicente, Granadinas llaktakunamantami shamunka; shinallatak kay Elías Jaua, Venezuela llaktamanta; Iván Cepeda, Colombia llaktamantra; Manuel Canelas, Bolivia llaktamanta; Jorge Taiana, Andrés Larroque Argentina llaktamanta yachak runakuna chayamunka; Lindbergh Farías, Brasil, shuktak llaktakunamantapash shamunka.
JC-kichwa
