Mama Gabriela Rivadeneira, Mamallakta Tantanakuyta pushak, kamachiy killkakkunantin Sucumbíos, Orellana, Pastaza markakunapak llaktakunapi kamachiykunata riksichirka, antisuyupak munay hawa llaktayukkunapak yuyaykunata, mañaykunata chaskirka.
Chaska tutamanta, 29 pucha, kulla killapi, “Contigo de Ley” pushakkunawan chay Recreativo Nueva Loja samana pampapi pusharirka. Kay kuskapi llaktayukkunawan rimanakuyta Mamallaktapak willak ñankunawan willashka karka, Mamallakta Tantanakuyta pushak, kay Código del Ambiente kamachiyta mana kunka.
Kay llankaypi Gabriela Rivadeneira manarak kamachiyta arinikpi kamachiy killkakkuna rimanakuypi kashkatami ashtawankarin riksichirka, chay willaykunaka (sapsiman, ayllullaktaman, llaktaman, runallaktaman) riksichirka, chaypi rimanakuypi kunankama 102 tantarikuna karka.
Chishiman, mama Gabriela Rivadeneira, chay IESS de San Francisco de Orellana (Coca) wasipi, achka runakunapak tantarikuna chaskirka, chaypimi: runa tantarikuna, tarpuk tantarikuna, paklla tantarikuna karka, kacharishka tantarikuna, yachachik tantarikuna, warmi tantarikuna, tisiku tantarikuna karka. Sapan tantarikuna paykunapak mutsuyta, mañayta rikuchirka.
Shukta llaktayukkunaka llankay hawa, wakrakuna wiñachina hawami yallita rimarka, hatun yachana wasikunata karupi wiñachina hawapash rimarka. Mamallakta Tantabnakuypak pushak kay Educación Superior kamachiyta rikuchun, paytak Antisuyupi karupi yachana, hatun yachana wasikuna tiyachun nirka.
Ñukanchik llankaypi, Especial Amazónica kamachiy wiñarina kan nirka. Kay hawa, Óscar Ledesma, Grupo Parlamentario Amazónico kamachiykunata pushak, Mamallakta Pushakmanta kay mañay shamunka, chayka kamachiyka chusku hatun yuyayta charinka nirka: pachamamata, kawsaytarpuyta, runakunamanta, kullkimanta kanka nirka. Kay kamachiy Antisuyupi llankaykuna tiyachun ñanta paskanka nirka.
Kay punchakuna llankaypika: Vethowen Chica, Carlos Viteri, Oscar Ledesma, Mauricio Proaño, Esthela Acero, Raúl Tobar, Zobeida Gudiño kamachiy killkakkuna karka. Kay Antisuyu llankaypika willana ñankunawan rimayta, tantarikunata charirka.
JS/jc-kichwa
