Chay Brasil Mamallakta, São Paulo llakta willaypi rimaypi, Mamallakta Tantanakuyta pushak, mama Gabriela Rivadeneira, Apya-yala llaktakunapi tantarinamanta rimarka, llakta ushay mushukyarishkata rimarka, Mamallakta Tantanakuypi llankaykunata, akllay munaykuna paktachun nirka.
Mama Gabriela Rivadeneira Apya-yala llaktakunapi charikkuna wichiyashkata rikuchirka, kaymi tantarinkapa harkan nirka. “Tawka Mamallaktakunapimi shina tukukun nirka, pakta pakta kawsanatalla mana harkanchu, ñukanchik Apya-yalapi tantarinatami ashtawankarin harkan".
Shinapash, "Ñukanchikpak Mamallakta Pushakkunami Mamallaktata ukllashpa rimana, kay akllay muyuykunallatakmi kutintak suyupi llakta ushayta, Mamallakta ukupi sinchiyachishka; shinapash chay Argentina llaktapi Cristina Fernández de Kirchner pushakta takakmi misharka, Venezuela llaktapi, Nicolás Maduro achiklla kamayta charikun nirka, llakta ushayman rimayta kimirishpami mishashkakuna".
Mushukyachik hatun kamachikkunamanta rimashpaka, llaktakunallatakmi kaykama paktashkakunata washaman tikrachun mana sakina kan. “Ñukanchikpak munayka runakuna hapina yuyaymi kan, mayhan hatun kamachik ushayman chayashpash, llaktakuna paykunapak hayñikunata ukllakukta rikunatami charin”.
JC-kichwa
Lea la entrevista completa con el diario Estado de São Paulo
