Mushuk Presentación de las Declaraciones Patrimoniales Juradas kamachiy hawa rimashpa, ashalla katikuyta charina, ashalla kullkita, pachata tukuchina, katikuyta utkachina, killkana pankata mana hapina, zirma pankapi killkana kakpi achka kamachiy killkakkuna, mushuk kamachiyta alli ñawiwan rikurka. Shinami 17 kamachiy killkakkuna rimashka kipa mama Gabriela Rivadeneira Mamallakta Tantanakuyta pushak, 238 yupay tantarita pitirka, ima pachapash Secretaría General kamachikwan kayanka.
Pay Moisés Tacle kamachiy killkak, tukuylla mitachikuna charishkata zirma pankapi riksichina kakpi, kayta paktachinkapa hawalla huntachina zirma millka pankata tarina nirka, chaypi mawkayachikkuna charishkamanta tukuy willaykunata, mañashkakunata churanka nirka.
Shinallatak Isabel Mosquera kamachiy killkak, charishkata willana hawa nikina alli kachun nirka, ama sinchi katikuy kachun anchuchina, chaylla ñanta Contraloría kamaywasiman utkashpa chayachun nirka, ama shuwaykuna, hatun huchakuna tiyachun harkana, charishkata willay ama panta kachun alli mushuk kamachiy kan nirka.
Kutin, Patricio Donoso kamachiy killkak mushuk kamachiyka allimi kan, shinapash payka 16, 18 nikikunapi mana alli killkarishka kakpi asha llakirishka kan, charishkata mana achiklla willak rikurin nirka.
Pay Gastón Gagliardo kamachiy killkak, kay kamachiyta arinishpa, ña llankayman yaykurishpaka charishkata killkayman mana rina mutsurinchu, zirma llikata katishpa willanami kanka. Kay kamachiyta mana uyakkunata wanachina, chaypak shuk nikita mirachina nirka.
Shuktak kamachiy killkakkuna, kamachikkuna, pushakkuna, tawka runakunami kay kamachiyta yanapankuna. Kay ñanta katishpa tiyashka llakikuna anchurinka, charishkata killkakkuna ña mana achka kullkita hapinka, killkana pankakuna mana achka pankata tukuchinka nishpa riman.
JLVN/pv/jc-kichwa
