Mamallakta Tantanakuypak Desarrollo Económico minkashka, kay Incentivos para Asociaciones Público-Privadas y la Inversión Extranjera Hatun kamachiywan llankakuk kamachikkunata chaskirka. Kay tantarika imashina kay kamachiy llankaypi kakta, paktakushkata rikunkapami karka.
Chay tantarimanka Lourdes Rodríguez, Gerente General (E) Banco Nacional de Fomento (BNF) kullkiwasimanta; Bernardo Ortega y Carlos Garcés Burbano, Gerente General y Coordinador Jurídico del Banco del Instituto Ecuatoriano de Seguridad Social (BIESS) kullkiwasimanta; Héctor Mosquera, Christian Hidalgo, Director de Recaudación y Procurador General del Instituto Ecuatoriano de Seguridad Social (IESS) kamaywasimanta, shinallatak Renato Torres, Asesor Jurídico de Alianza Público Privada del Ministerio Coordinador de la Producción y Competitividad kamaywasimanta shamurkakuna.
Kay tantarita pushak, Lídice Larrea, yaykuchik kamachiyka wanayta tantachikta, Banco de Fomento kullki wasiman manukta, makiwan chalwakkunata yanaparka, BIESS kullkiyuk wasi kullkita mañachishkamanta tikrachichun punchakunata chutachirka, kullkita churanamanta mana kushkata suyachirka.
Kay kamachiy 27 puncha, wayru killa, 2015 watamanta llankay kallarishkamanta, minkashka kamachiy killkakkuna tawka llankaykunapi paktakushakata rikurka. Imashinami, kay chilla puncha, BNF kullkiwasi kay kamachiy arinirishka kipa, manushka kullkikunata utkashpa kacharka, chay kullkikunaka mañashka, tikrachina punchata yallishkamanta wanachishka karka. Kay kamaywasi 135 hunu kullkita trikrachimunata charirka, 4 waranka yanapashkakunata charirka.
Hatun kamachik Ministerio Coordinador de la Producción, paypak kamaywasipak shutipi, kamaywasikunapura tantarishpa llankay yuyaykuna paktakushkata riksichirka, kay kamachiypak 3 nikita paktachishpa llankakunchik nirka, shinasami tantarikunata pushankapa allimi kan nirka. “Llankay yuyarikunata charishkata ñami yachanchik nirka, mushuk llankaykunata chanina katikuktami riksichirka ”, tantarita pushakmi shina willarka.
Kay IESS kamaywasimanta rimashpaka, Lídice Larrea, 91 waranka llankakkunami, tawka llakikunamanta mañashkakuna paktachinata kipayashkami karka, kunan mañi llakikunata allichishka, kamachiy llankayman yaykurishkamantami llakikuna allichirishka.
“Kunanka kay willaywan millpushkanchik, kamaywasita pushak kamachikkunata kayachin, chaymi asha pachata shuyashun nirka, kunan paykunapash yanpashpa shamurka, shnami rikushka pachata paktachishka, shinami kamachiy riman nishpa.”, tukuchirka.
EF/pv/jc-kichwa
