Mama Gabriela Rivadeneira, Mamallakta Tantanakuyta pushak “Contigo de Ley” willaypi, “La Radio” ukupi willarka, chaypimi Código de Trabajo kamachiyta, awkakunapak ISSFA wasi 41 hunu kullkita manushkata rimarka, kay hawa yalli kullkipi katushka, chayka Los Samanes pamapamantami kan nirka, Parlamento Latinoamericano tantarimantapash ashata rimarka.
Kay Código de Trabajo kamachoiy mushukyay
Mama Gabriela Rivadeneira, kay Código del Trabajo kamachiyta mushukyachinata Mamallakta Pushak, kullki mutsurimanta ukta arinichun nishpa chayachimushka allimi kan nirka, kay kamachiyka Ecuador llaktapi kawsak achka achka runakunapak llankaytami ukllan, 2015.watapi llankaykuna illay ashata mirarishkamantami shina rimarka.
Mamallakta Pushak, llaktayukkuman rimaypi, hunka tukuri puncha, llankay kallarita kamachiywan tankana, hatun yachana wasipi tukuchi wata kashpa yachakukkunata paypak llankay hayñita mana kichushpalla, llankayta rikuchichun nirka.
Kay llankashpa yachayta rikuchina hawa “Kamaywasiman yaykurichun ashatallapash Mamallakta yanapayta charichun, kayta rikukunchik nirka”.
Pukuchina kuskakunapi llankana sayllamanta rimashpaka, kallari llankay, shuktakpash “ kay kamachiyta imashina chutachinchikta rikushun nirka, kay kamachiymi achka llankakkunata yaykuchinka, kamachiypi mana kak shuktak mushuk ñankunata yaykuchina nirka.
ISSFA KAWSAYKAMAYMANTA
Awkamuna Los Samanes allpata Mamallaktaman katushkamanta, Mamallakta Pushak 41 hunu kullkita yalli kushka, chaymanta Instituto de Seguridad Social de las Fuerzas Armadas kay kullkita tikrachinata charin, kay llaki hawa Mamallakt Pushak pay shayarishpa tikrachikushkata, Mamallakta Tantanakuyta Pushak riksichirka, kay manuta Mamallakta kamanami kan nirka.
Parlatino Tantari
Mama Gabriela Rivadeneira, kay 12 puncha, panchi killa, chay Junta Directiva del Parlamento Latinoamericano tantaripi kanka, chaypak Presidenta Alterna pushakmi kan, kay tanarimi chikan chikan Mamallaktakuna paykunapak yuyayta, llankana ñanta churachun punkuta paskashka kan nirka.
JLVN/pv/jc-kichwa
