Mamallakta Tantanakuy Declaraciones Patrimoniales Juradas kamachiyta kacharka, kay kamachiyka 83 apuchiwan, 11 puncha, panchi killapi arinishka kan. Pankakunata PAN-GR-2016 yupaywan kachashka kan, kunanka Mamallakta Pushakpak makipi 12 puncha, panchi killamanta taruirin, payka 30 puncha allichinkapa, shitankapash, Mamakamachiypi, Función Legislativa kamachiypi hapirishpa killkashkami kan.
“Mamallakta Tantanakuy Mamallaktaman manuta paktachishka, achiklla kamachiykunata chayachishka, kay kamachiywan llankankapa paypak makipi hapishka. Shina Mamakamachiypak 231 nikita paktachishka, tukuy tukuylla mitachikuna mashna charishkata willana mañashka kashka kan, chay llankayta kallarinkapa, llankayta tukuchishpapash willanka, shinami Policía y Fuerzas Armadas awkakunaapsh willanka, sapan watakunami ruranka, shinallaktak llankaypi sikashpapash ruranka”, shinami Fabián Solano kamachiy killkak willarka, payka Participación Ciudadana minkashkata pushakmi kan.
Kay mushuk kamachiyka (CAL) tantariman, aymuray killa, 2013 watapi yaykurirka, Función de Transparencia y Control Social (CPCCS) pushak kachashkami kan. Kay Participación Ciudadana y Control Social kallari willaytaka kapak killa, 2015 watapi rurarka. Mamallakta hunta tantari, kallari atinakuyta, ishkayniki atinakuyta 14 puncha, kapak killapi charirka, shinallatak 2, 11 punchakuna, panchi killapi karka.
EF/pv/jc-kichwa
