Kulka, 18 puncha, panchi killa, 2016 watapi, kay Linda Machuca Moscoso kamachiy killkak, pay 2015 watapi llankashkata rikuchinka. Kay rikuyka 16h30 sayllamanta kanka, Mamallakta Tantanakluypak José Mejía Lequerica ukupi kanka.
Kay Linda Machuca kamachiy killkak “ 2015 watapi purik runakunawan llankayka may sumakmi karka, paykunata yanapankapa tawka kamachiykuna Mamallakta Tantanakuypi arinirkakuna chay kamachiy chaskinka: Justicia Laboral hatun kamachiy, Reconocimiento del Trabajo en el Hogar; Código Civil kamachiyta allichishka, chaypi shawarishkakuna rakirinamanta riksichinka” nishpa willarka.
Kay Servicios Postales hatun kamachiyta rikunka, purik runakunata achkata yanapanka; Allpa kamachiy, kay kamachiywan tikramushka runakuna allpapi llankayta charichun alli kan; Gestión de la Identidad y Datos Civilesn Hatun kamachiyta, kikin kashkata riksichin, Ecuador llaktamanta runakuna ista llaktapi kawsak runakunapak shutita killkanka.
Kay Movilidad Humana Hatun kamachiymanta rimashpaka, ista llaktapi kawsak runakunaman kamachykunata riksichina kuskakunaka runakuna paykunapak yuyayta churana kuskakunami kan, kay Asamblea Constituyente tantariwan llankay kallarishkata paktachinka; kay Linda Machuca kamachiy killkak kipa punchakuna ista llakta purik runakunata yanapashpa llankanka.
Shukta yuyaymanta rimashpa, Machuca kamachiy killkak, kay llankayka Damiano y los Hermanos Núñez takikkunawan kallarinka, mayhan nishka “purik runakunata ukllashpa takirka” shuktak Mamallakta Tantanakuypak Grupo Parlamentario de Movilidad Humana takikunapash yanparka. Kay tantarika tukuy llaktayukkuna yaykurichun punkuta paskashkami kan.
JC-kichwa
