Kamachiy killkak Alexandra Ocles kay Derechos Lingüísticos de los Pueblos y Nacionalidades kamachiyta killkankapa achka runa tantarikunata kayarka, chay kamachiyta hapina, shimi hayñita ukllankapa mushuk yuyaykunata churana nirka. Pay killkashkata Comisión de Derechos Colectivos pushak, mama Gabriela Rivadeneira Mamallakta Tantanakuyta pushakwan rimanka, kay kamachiymi 2016 watapi llankana kan.
Mama Ocles kamachiy killkakpak llakika, ñawpa shimikuna chinkarinami yalli llaki kanka nishpa llakirin, mana willananlla hillaychu kan, yuyaykunata, kikinkayta wallpaymi kan. Kay ONU tantari churashka 21 puncha, panchi killata Día Internacional de la Lengua Materna puncha kachun shutichishka, chikan chikan kuskamanta ushashpaka yanapanata charinchik, runa llaktakunapak Shimi Hayñita riksichun mirachina, wakaychina kan.
Tantarikunata pushakkuna, markakunapi shimi kamchiyta riksichinkapa tantarichun kayakpi shamuchun shuyanchik, kamachiy killkak rimarka, chaypi llaktakunapak, runallaktakunapak yarishkata, yuyashkata hapichun nirka. Kay mushuk kamachiyka Secretaría Nacional de Política Lingüística wasita wiñachinka.
Paypak yuyapika, chay kamaywasimi Mamallakta ñawpa shimita ukllachun, yachachun, mawkayachichun, kutin tarichun, wiñachichun kamanka. Chay tawsami kawsayta charik, kawsaypura kak Mamallaktata sinchiyachinaman purina kanchik, shinami charirayarka.
Shinallatak, kawsaypura ishkayshimita yachay, llaktakuna, runallaktakuna paypak shimipi yachachun punkuta paskashka rikurin nirka. Shinallatak chikan chikan kamaywasikunapi mishushimipi, llaktapak rimaypi rikuchik unanchakuna killkarishkata rikuchin nirka.
LM/jc-kichwa
