Amawta Fabián Solano kamachiy killkak Cuba llaktapi, Ecuador llaktapak shutipi Hatun Ista Kamachik tiyarin, 921 yupaywan, 22 puncha, panchi killa, 2016 watapi llankata chaskin, kay kamachiy pankataka Rafael Correa Delgado Mamallakta pushakmi tiyachin. Paypak katik, kipa kamachiy killkak Reyta Dahik Astudillo Solano kamachik rati tiyarin, payka Bolívar markapak shutipi, kamachiy killkak shayarin, llukshik kamachiy killkak llankana killakunatami paktachinka.
Kunan tutamanta, 23 puncha, panchi killa rimanakuna llikata katishpa Amawta Fabián Solano willayta kacharka. Chay willaymanta Mamallakta Pushakta, paypi yuyayta churashkamanta yupaycharka, ña nishkashina Ecuador llaktapak shutipi caribeño Mamallaktaman rin, shinallatak 7 kitipak, 19 shulkapak shutipimi rin, kayllaktakuna Mamallakta Tantanakuypi llankachun kacharka, xchaytapash paktachishka.
Mamallakta Tantanakuypi, 2013 watamanta maymutsurik kamachiykunata killkashpa “ llankayta paktachishkamanta” kushilla kashkata rikuchirka, 2015 watamanta Participación Ciudadana y Control Socialm tantarita pushak karka. “ kullki ama runapak hawapi kachun mushuk kamachiyta charinkapa ñakarikmi kanchik”, shinami willarka.
Bolívar markamanta mushuk kamchiy killkak, Socialista Tantariman kimirishka kan, sinchi llaktay tantariman kimirishkata, llankayta paktachichik, Mamallakta Tantanakuypi achka llankayta rikuchishka.
“Ecuador llaktapi kawsak runakunata, Revolución Ciudadana tantariman yaykurishka kari warmi mashikunata Martí, El Che, Fidel kawsashka llaktamanta, kikinkunapak shutipi llakankapa allimi rikurishka, chaypak Cuba Socialist achkata rikuchinka”, nishpa rimarka.
Kay Solano kamachiy killkak Partido Socialista tantarita, 2013 watamanta, wayru killa 2015 watakama pusharka, “Unidos tantaritapash” 21 puncha, ayriwa killa, 2015 watamanta, kulla killa, 2016 watakama pusharka.
Ista Hatun kamachik Ricardo Patiño kay llankaykunata, shuktak hatun llankaykunatapash tukuykunaman willarka, Ecuador llaktapak shutipi rikurinka, shinami sarun 18 puncha, panchi killapi rimarka.
EF/JLVN/jc-kichwa
