Kay Derechos Lingüísticos de los Pueblos y Nacionalidades kamachiy María Alexandra Ocles kamachiy killkak, kay kamachiywan ñawpa shimikunawan yachay tiyachun kaman, kallari yachaymanta, hatun yachaykama chayanka. Shinami Centros Infantiles del Buen Vivir ñawpa shimita rimashpa kallarinka, yachachikkuna ñawpa shimipi yachachishka kanka, sapan shimikunata rikushpami llaktakunata rakinka.
Tiksi yachanamanta, pakta yachanamanta rimashpaka, kayta pushak yachana wasimi ñawpa rimaypi yachachina sinchiyachun kamanka, yachakukkuna ishkay shimipi rimanatami yachana kan, chaypak yachakukkuna ishkay shimipi rimaytami rikuchinka, Educación Intercultural kamachiywan, shuktak kamachiywanpash kimirishpa llankanka.
Kay kamachiy nishkashina, superior, técnica y tecnológica hatun yachayta minkashka kamachik, chay Secretaría Nacional de Política Lingüística kamachikwan kimirishpa llankanka, chay kamaywasimi mayhan hatun yachachinawasi ñawpa rimaypi yachachinata rikunka, chaypakka maypitak ñawpa shimita riman, sapan llaktakunapak, runallaktakunapak mutsuy kakta rikunka, yachanawasi ima ushayta charishkatapash rikunka.
Kamachiyka ruku runakunaman ñawpa shimipi yachachinata riman. Kay Secretaría de Política Lingüística, sapan pata yachana wasikuna, ñawpa rimaypi imatalla yachachina yuyaykunata rikunka, paykunapak shimipi killkakunata yachachinka.
Kay Secretaría kamaywasimi, yachana ñankunapi ima yachaykunata asha asha yaykuchinka, chaymi Castellano rimakkunaman Kawsaypura yachayta kamanka. Shinallatak secretaría kamachik, hatun yachayta pushak kamachikkuna yachachina llikata killkanka, paykuna llaktakunapi, runallaktakunapi kawsak runakuna imashina rimakta, imashina kawsaytarpuyta rikunka.
Kay kawsaytarpuyta, yachayta, hatun sumakruray yachayta pushak kamachikkuna, shinallatak GADs kamachikkuna, shukpaklla kamaywasikuna, llaktakunawan, runallaktakunawan kimirsihpa, kamukuna, killkana pankakuna, shuyukuyurikkuna kikin shimipi rurarichun tankanka. Paykunamanta Yachayta Pushak Hatun kamachik, kawsaytarpuy kamachik, Secretaría de Política Lingüística, GADs kamachikkuna, kapukyachin, kamukunata tantachina, wakaychina, llaktakunaman chayachina, shuyukuyurik hillaykunata pakatchinaka.
GC/jc-kichwa
