Mamallakta Tantanakuy kamachiy killkakkuna hunta, Soberanía Alimentaria y Desarrollo del Sector Agropecuario y Pesquero minkashka rikuchishka Tierras Rurales y Territorios Ancestrales kamachiyta achkata atinakurka, kay kamachiyta Mamallakta Pushak wakin nikikunata allichishka, shamuk kullka puncha, 09h30 sayllamanta rimanakuy katinka.
Minkashkata pushak, Miguel Carvajal kay llankayta pushak, kamachiypak willayta riksichik, Mamallakta Pushak 18 nikimanta, 16 nikita allichishpa kachashkata arininka, shinallatak 2 nikita kutintak arinina.
Mamallakta Tantanakuypak 371 tantaripi chunka shuk kamachiy killkakkuna rimarka, paykunaka yallikta killkashka 20 nikita minkashka allichichun nirka, chayka ista llaktamanta churashka kullki hawami kan nirka.
“Arininkapa achka rikuykunami kamachiypak nikikuna alli killkarichun yanapan, shinapash ama kipaman pantarikuna tiyachun, shunku yuyaytaka mana rantinchinchu”, shinami Carvajal kamachiy killkak rimarka.
Minkashkauna 81 nikita, 130 nikita kallari killkata allichishkata mana hapina nirka. Kallaripika ayllullaktakuna Mamallaktaman murukunata pukuchishpa kuna ninmi, chaywan tukuylla llakta ukupi hampirinata, yachayta, wasita charina nishapa riman. Imashinami Mamallakta pushak riman, maypimi chukikuna tiyan, chay allpata kuna riman, chay yuyayta mana hapinachu nin. “ Kikinkuna hamutaychik, chukikuna, punkarata kapukyachina, punkara tiyakta riman. Kaykunaka manarak kamachiyta arinishpa llaktakunata tapuypi mana rimashkachu. Chay chukikuna, Karupi willaykuna, yakuhawrikuna paypak kamachiykunatami charin. Allpa Kamachiywanka mana rikunata charinchu”, shinami Miguel Carvajal rimarka.
Ishkaynikipika, imashina kamachiykunata hamutashpa katikushkapash tarpuna allpata hapinata harkanmi, chaytami rikuna kanchik “Allpata charikkunapak hayñika, ñami kamachiypi killkashka tiyan, Función Ejecutiva kamachiy ukupimi kan, chaymanta kay yuyaykunata kay kamachiypi churana mana mutsurinchu”, shinami achikyachishpa rimarka.
EF/pv/jc-kichwa
