Kay Derechos de los Trabajadores, Llankay Kamaywasi Pushak, Leonardo Berrezueta hatun kamachik, Consejo Directivo del Instituto Ecuatoriano de Seguridad Social pushak, Richard Espinosa kamachik 4 sayllata tantarirka, Optimización de la Jornada Laboral y Seguro de Desempleo kamachiyta rimarkakuna.
Kay Ministro de Trabajo hatun kamachik, llankay llakita allichinkapa shuk yuyarita charinkapa kayarka. “Paypak yuyayka shukpaklla llankaypi tukuykuna tantarishpa llankayta charinami kan”, shinami rimarka.
“Hatun kamachikpak yuyayka llankayta mana charik runakunaman mushuk ñanta mashkanami kan, llankayta mana charik rimayta anchuchinkapami kan, yallita llankachishpa llankayta kuk achka kullkiyuk kana yuyayta mana charinachu kan; llankakka, Mamallaktaman kapukta chayachikmi kan”, shinami sinchita rimarka.
Kay Ministerio de Trabajo hatun kamachik rimashka kipa, mashna pachata llankanamantami tapuykunaka karka, mashna kullkita llankashkamanta kuna, llankayta mana charik kullki, yanapay, llankayta kichkiyachishka; imatalla tuta llankana, mashna pachapak llankayta churashka, imamanta llankayta mana charishkay tapuykuna karka.
Kay Richard Espinosa hatun kamachik, llankayta mana charikta kamana nishpa, llankayta kamanata riman, mana kay kamachikkunawanlla kachun nirka, “ kay yanapay tupukuna tawka watapak sakirichun nirka”.
Kunanpi Ecuador llakta 4.77% patsakri runakuna mana llankayta charin nirka, kay Apya-yala suyupi yalli uraymanmi kan nirka, Ecuador llaktapak wiñaykawsaypi uraymanmi kan.
Washamanta rimashpaka, 2006 watapi, Ecuador llaktapika, shuk hunu 400 waranka runakuna kawsaykamay wasiman yaykurishkami karka. Kawsaykamay wasiman yaykurishka, mashna runakuna llankayta chariktami riuchin, kay tukuri watakunapi ishakaykutinmi mirarishka, shinami rimarka.
RSA/pv/jc-kichwa
