Kay Parlamentaria por la Soberanía y la Unidad Latinoamericana y Caribeña llika, kay tantarika 17 Mamallaktakunamanta kari warmi kamachiy killkakkuna yaykurishkami kan, paykuna Brasil Luiz Inácio Lula Da Silva “yanka llakichishpa” charirishka riman.
Willaypi, kay katikachayka “Dilma Rouseff Mamallakta Pushakta urmachinkapami kan, Lula ñawpa Mamallakta pushak ama kutintak 2018 watapi Mamallakta pushak kachun harkaymi kan”.
Kay hawa, Gabriela Rivadeneira, Ecuador llaktapak Mamallakta Tantanakuyta pushak, “kamachik kashpa saruywan, show mediático llullawan, shukpaklla munayta yanapashpa Lula ñawpa pushakta supaychasha munan; charikkuna llakta ushayta pichasha munan”.
Tantarishka 30 kamachiy killkakkuna, llaktakunata mushukyachik pushakkunata takan nishpa willarka, imashinami “runakunata yanapashpa llankashkata, llaktakuna ushashkakunata puchasha munan”.
Kay kamachiy killkakunapak tantari, tawka tantarikuna, llaktakuna kaparinaman kimirin, mana kamachiywan, Mamallaktapak punkarata katushpa kullkita yanka tukuchishka nishpa huchachishpami shina llakichin.
Runa hayñimanta llankakuna, hatun yachakkunapash "Mamallaktata urmachun takay nishkami", "llaktaywan " ñawpa Brasil Mamallaktata urmachisha yuyan.
Ashalla puncha, Lula da Silva rimarka, chay Partido de los Trabajadores (PT) tantari, paykunaman mutsurikpi, 2018 watapak akllarichun nikpika, akllarishami nirka.
JC-kichwa
