Kari warmi paktapakta kachun Mamallakta Tantanakuypak punchanta llankaymi kan. Kaykunatami chikan chikan kamachiypi killkashka tiyan. Kunan mita llankaypika 41 kamachiykunatami arinishka kan, warmikunata yanapaytami rikuchin.
Kay (COIP) kamachiy; Reformatoria al Código Civil kamachiy; Willay kamachiy; Consejos Nacionales para Igualdad kamachiy; Recursos Hídricos kamachiy; Allpa kamachiy; Justicia Laboral kamachiy; Gestión de la Identidad kamachiy, shuktak kamachiykunapash warmikunapak hayñita killpan. Kunan killkakushka kamachiykunapipash warmita yanapankapami riman, ista kamachiykunapipash rimanmi, tantarishka kamachiy killkakkunapak llankaypipash riman.
Kay COIP kamachiy warmi kashkamanta wañuchinata, imata kushanishpa warmita arininichinata, kamachiyta pakinata kichkichin, tisiku runakunata ukllana, ashtawankarin warmikunata rikuna. Wakllirishka runakunata ukllan, yanka kishpikayta kichunata, yanka chinkachinata kichkichin. Shinallatak, warmita llankachishpa mana kullkita kun, yumay llankayta, warmipak shuyuta katuy, purik runakunata mana alli pushay, llankachishpa mana kullkita kuna, mana kamachiywan wawata hapina.
Shuktakmanta rikushpa, Código Civil kamachiyka, 18 watata charishpa sawarina, kay (COGEP) aylluman, wawakunaman, imillaman kimirishkami kan. Kay Código Orgánico de la Función Judicial kamachiyka, kamachiy rimayta rikuchin, kay warmi karipash rikunata churan, kay Familia uku, Niñez uku, Adolescentes Infractores uku, kay ukukunaka, ayllupak llakita, wawapak llakita, imillapak llakita rikunka.
Kay Recursos Hídricos kamachiy, runa yakuta charina hayñiyta rikuchin, warmi yakuta hapina hayñita rikuchin, tukuysami tsiknita anchuchin.
LM/pv/jc-kichwa
