Tantarikunamanta shamuk shuk 100 yalli runakuna Consejo Nacional Electoral de la provincia de Bolívar ukupi tantarirka, paykunaka Código Orgánico del Ambiente kamachiymanta rimankapa chayarka. Yakuta imashina kamanami ashtawan hatun rimay karka.
Tantarimanta pushakkuna yakuta imashina parkuna, imashina llankachina hawa. Shuk “Refugiados Guaranda” shuti tantari tiyan, chaymi mitikushka allkukunapak wasita charin, chay ayllukunata yanapachun Código del Ambiente kamachiypak nikikunata hatun yachichun mañan.
Kay Biodiversidad minkashkata kipapushak, Óscar Ledesma kamachiy killkak, hatun yuyaykunata chayachirka. Pachamama kallarikunataka Mamakamachiypi, ista hillaykunapi tiyak shuklla runa, llakta, runallaktakuna, sapsikuna, ayllullaktakuna pachamamata kamana, wakaychina, mawkayachina hawa riman.
Shinallatak kay Código del Ambiente kamachiypika wiwakunata mana waktana, llakichina, shitana, chukrichina hawa rikunata charin. .
Alli kuskakuna tiyakpimi wiwakunataka pushana kan, shinallatak mana mapa, purina, kuyurina kuska, wayrata charik, mana yalli chiri, kunuk kana, ama llakirishka kawsachun rikunka.
JLVN/pv/jc-kichwa
