Mama, Gabriela Rivadeneira Burbano, Mamallakta Tantanakuyta pushak kay Función Legislativa Hatun kamachiypak, 12 niki, 3 yuypayta hapirishpa hatun tantariman kayarka, chayka kaya 15 punchami kanka, 9h30 sayllata kallarinka, chaypimi mushuk Optimización de la Jornada Laboral y Seguro de Desempleo kamachiyta rimanka, kullki llakita allichinkapa utka rimanami kan.
Kay atinakuytaka Derechos de los Trabajadores minkashka killkashkapi hapirishpami kallarinka, kay kamachiyta allichinkapa tantarikunapak, pakta runakunapak, llankakkunapak, llankakwasikuinapak, kamachikkunapak yuyaykunata chaskirka.
Kay mushuk kamachiyka Seguridad Social kamachiyta allichinkapami kan, shinallatak Seguro de Desempleo kamachiyta wiñachinkapami kan, kay IESS kamaywasiman kimirishka llankakkuna, paykunapak llankay chinkakkunatami yanapanka, ashalla pachata llankayta chinkkpipash yanapanka.
Llankay suniyachunpash riman, pusak sayllata llankana hawa riman, llankay sayllaka 40 sayllamanta mana yallichun, chunka punchatapash mana yallinkachu riman, shuk hunkata ishkaypipash mana rakinata usharinkachu. Shuk hunkapi chuskuchunka sayllata yallikpi, shinalllatak chunka punchata yallikpi, kamachiy rikuchishka 55 nikita hapishpa yanapanka.
Yachakushpa, yachachik Sistema de Educación Superior kamaywasimi rikunata charin, sukta killamanta mana yalli kullkiwan yanapankachu. Llankay kullkimanta kimsapi rakishkatami sapan killa chaskinka. Yachakuk llankakta kamaywasiman yaykuchinka. Llankachikmi imashina kamaywasi mañashkata, kamaywasipi kullkita pakta churanka.
Shinallatak samarikushpa, ashalla punchata smarikukpi hampikunawan mañachinka, hampimanta Ministerio de Salud Pública kamaywasimi kullkita churana kan.
Kamachiyta atinakukushpa, kamachiy killkakkuna llankakkunapak hayñita mana kichukunchikchu, mana hawalla yanapakunchikchu nirka, llankayta charikka llankashpa katinka, kay tupuka wakinpillami kanka nirka.
PV/jc-kichwa
