Mamallakta Tantanakuy arinishka kipa, kunan awaki punchami Tierras y Territorios Ancestrales kamachiy, Kamu Kipupi, 711 yupaywan killkarishka. Kay kipa tukuy Mamallaktapi llankankapa yaykurin.
Kay kamchiyka Ecuador llaktapi awki mikuna tiyachun kaman, kikin allpata kamachun yanapan, allpa chani ama yanka kachun harkan. Kay kamachiy sapsi allpata, runakunapak allpatapash mana llakichin, punasuyupak pakllakunapi kawsak runakunapak 25 patsak tupu allpatapash mana llakichinchu. Shinallatak kuntinsuyupi 75 patsak tupu allpata, antisuyupi, waytasuyupi 100 tupu allpata mana llakichinchu.
Pachamama wañunalla Chiri urku allpakunata charik runakunata kamachiywan shutirichun yanapan. Ñawpamanta charimushka allpata, purina pampakunata kamachiywan riksin. Allpapak shuti killkarishkata mana kullkita hapishpalla shutichichun. Shinallatak allpamanta kullkita mana hapishpa, imashinami kiti rimashkata paktachinka.
Kamachiyka paklla sapsi allpapapi alli wasita, yachanawasita, alli kawsay yanapakta rurachun yanapan, kaypakpa allpata Mamallaktaman yallichinka, sapsi allpa kakta mana chinkachinkachu.
EF/pv/jc-kichwa
