Kay “Tejiendo Mis Derechos” willayman warmikuna kimirin, kay willayka mama Gabriela Rivadeneira, Mamallakta Tantanakuy churashkami kan, warmi wawakuna, pakta runakuna, yuyak warmikuna, paya warmikuna tantarinata charin. Kay llankaytaka Johanna Cedeño, Mary Verduga kamachiy killkakkunami pushakun.
Achka warmikunami rikcharishka kan, sapan punchakunami ashtawan mirarin. Kunanka kay willaytami yanapakun, kunan ruranata willankapami wankurishka, mushuk hayñikunapi hapirishpami shina llankakun, ñukanchikpak mañaykunatapash yuyaypi charinami kan, kay hayñikunata imashina kamachiypi churanatapash rikunami kan, chaywan hayñikuna paktapakta kachun mashkana, shinami Mary Verduga rimarka.
Sarun puncha, pawkar killa Mamallakta Tantanakuyta pushak kallarichirka, chay punchaka Día Internacional de la Mujer punchami karka, Ecuador llaktamanta warmikunawan llankankapa Mamallakta Tantanakuy arinin. Warmikuna tantarichun tukuy Mamallaktata purinka, ushashkakunata, mushuk ushanakunata hatun pintupi killkashkata, kay killapak 24 puncha kay Mamallaktaman chayachinka.
Yarinchikmi, yuyanchikmi ninkapa hatun ñankuman llukshishunchik, shinami kamachiy killkak Verduga rimarka, shuktak warmikuna willayman yaykuchunmi shina rimarka. Wiñaykawsay mana chushaklla sakirinachu kan, Tawka ñakarikkuna, imashinami Nela Martínez, Dolores Cacuango, shuktak pushakkuna pakta pakta tiyachun ñakarishka, ñukanchikpash shinami katina kanchik riman.
Warmi kamachiy killkakpash, warmikunapak hayñikuna hawami hapirina kanchik, warmikuna tukuyllapak kuskakunata charinami chayrak sirin nirka, kunanka karikunapak tiyachunllami yuyashka kan, chayka mana pakta paktachu kan.
LM/pv/jc-kichwa
