Mamallakta Tantanakuy 22 awkakuna uchilla antanka Pastaza markapi urmakpi wañushkamanta shuk aknayta chayachirka, shuk chinikuta upallalal karka, Pastaza llaktapimi kay llakika tukurka. Kamachiy killkak Vethowen Chica mañashkata paktachishpami Optimización de la Jornada Laboral y Seguro de Desempleo kamachiy rimayta samarishpa wañushkakunamanta wakarka.
Paypak tiyarinamanta Chica kamachiy killkak shuk yanapay ukllayta wañushkapak ayllukunaman, Ecuador Mamallaktapak awkakunaman chayachirka. Kay ñan Mamallakta Tantanakuyta minkshka Marcela Aguiñaga, Mamallaktamanta shuk yanapayta kuchun rimarka.
Awkakunapak llika pankata katishpa, 15 puncha, pawkar killa, 14:30 sayllamanta, uchilla Aravá antanka, E206 yupaywan kipushka Fátima kuskapi, Hacienda La Palmira allpapi, Pastaza markapi urmarka, awkakuna urmankapa Curso de Maestros de Salto yachayta hapichun pushakushpa urmarka.
Awkakunapak kamaywasi 2 antanka pushak, 1 allichik, 19 urmakkuna antanka ukupi karka. Shuktak uchilla antankaka, allpata purik antawakuna Brigada de Selva número 17 “Pastaza” wañushkakunata mashkankapa llukshirka, nishpa willarka.
LM/pv/jc-kichwa
