Chay La Villegas shulkapi, La Concordia kitipi, Santo Domingo de los Tsáchilas markapi kawsak llaktayukkuna, Mamallakta Tantanakuy arinishka kamachiykunata riksirka.
Kamachiy William Garzón, Derecho a la Salud minkashkata pushak, Mamallakta Tantanakuy kamachiykunata arinishpa llaktayukkunata yanapashkata riksichin, ashtawankarin hampikuna chayashpa yanapashkata riksichin.
Kay “Salud y Buen Vivir” katuna ima paktana yuyayta charishkata riksichirka, kay Santo Domingo de los Tsáchilas markapi kawsak runakuna, paykunapak kawsaypi unkuykuna ama urmachun harkanata yachachunmi kan, kaymi Mamallakta Tantanakuypi rikurin.
“Mamallakta Tantanakuywan, Ministerio de Salud Pública kamaywasiwan llankayka llaktayukkuna mana hawalla unkunkapa, unkuyta harkanata yachaymi kan, kamachiykuna imashina mana unkuchun yanapayta riksinami kan, shinami Sumak Kawsayta yanapan”, shinami William Garzón kamachiy killkak rimarka.
Kay hampi katuypi kiru unkuyta harkayman yaykurinata, wiksa kuykata shitana, mikunata rurana yachayman yaykuna, yunka llakta dengue, chikungunya, zika unkuyta harkanaman yaykuna; runa wasipi kawsak wiwakuna ama unkuchun hampina, chaymi piña wiwakuna mana tukunka.
Kallari llankaytaka 10 yachayka chikan chikan ayllullaktakunaman, kitipak manyapi tiyak ayllullaktakunaman chayana kanka. Shamuk katunaka, 19 puncha, pawkar killa, chay Alluriquín shulkapi kanka.
JC-kichwa
