Kay Recursos Hídricos, Usos y Aprovechamiento del Agua kamachiy, Tierras y Territorios Ancestrales kamachiy, tantarishka runakuna tantarichumi yanapan, Mamallaktapak Tawka kuskakunamanta llaktayukkuna chaypi kachun yanapashka.
“Ñawpaman, tantarikuna, rimanakuykuna, tukuy llankaykunami karikunamanlla kachashka karka, mayhankunatak aylllullaktapak chakrawan, yakuta parkunkapa warmikunami sakirik karkanchik. Chaykunata rikushpami warmikunapash tantarikunapi kanata kallarirkanchik, yallita riksishpa kanata kallarirkanchik”, shinami runa Rosa Elvira Muñoz kamachiy killkak rimarka, payka Chimborazo markamantami kan.
Chay Guamote kitipi wacharishka kanchiy killkak, shunkumanta llaktakunata, kay Soberanía Alimentaria minkashka, ayllullaktakuna arininkapak kachun, hayñikunata yanapashpa yanapak kamachiykuna killkarikukpi, kari warmi tantarishka runakunapak hayñikunata ukllankana.
“Allpa kamachiy hawa rimashpa, maykama tarpuna allpata rikunami usharishka, wakaychishka allpakuna, pachamamapi tiyakkunapash allpapi kanka. Chaykunata paktachinkapa 180 punchapi uchilla kamachiy killkarishka kachun shuyakunchik.
Kay Rosa Elvira Muñoz kamchiy killkak, muyukunamanta riman, kay kamachiymi shamuk killakunapi arinina tukun. “Minkashka kamachikkunami shuk uchilla kamachiyta killkashpa arininka. Chaytaka ñukanchikmi rikunata charin, atinakuna kanchik, shukkutin yalli, imashinami ñukanchik yachashka kanchik, shuk tantarikunatami mañana kanchik, ashtawanakarin warmikunamantami rikuna kan. Allpata charini, kay kamachiy allimi kan, parkuna yakuta mana charinchik, allpata, yakuta mana charininchik, alli muyuta mana charinchik”, shina rimashpa tukuchirka.
EF/pv/jc-kichwa
