Mama Gabriela Rivadeneira, Mamallakta Tantanakuyta pushak, Santa Elena markapak warikuna riksishka kan, chay llaktapi tantarikunata charirka, chay llaktamanta warmikuna achkata riksirka.
Mamallakta Tantanakuyta pushak, chay Día Internacional de la Mujer puncha, Gobierno Autónomo Descentralizado (GAD) kamachikkuna, chay llankayta José Luis Tamayo de Santa Elena llaktapi pusharirka, chaypimi llankaymanta, mitachiyta munashpa llankashkata, shamuk watakunapi warmikunata llankanamanta rimarka.
Kay aknaypi Santa Elena llaktamanta warmikuna, ayllullaktapi runakunawan, makiruraypi llankaymanta hatun rikurirka, kawsay tarpuypi, wasipi llankaypi, warawamanta, tisikumanta, kapukyachinamanta, pukllayamnta, sapsimanta, awkamanta, nina wañuchimanta, amawtamanta, llankaywasimanta, allikawsaymanta, chuyayaymanta, wasipi llanakaymanta rimarka.
Mama Gabriela Rivadeneira, Mamallakta Tantanakuyta pushak markamanta tantarikunata, kamachikkunata, llaktayukkunata, yupaycharka, paypak shutiwan shuk marupi killkashka kamarita charichirka. Chay markamanta: Noralma Zambrano, Vanessa Fajardo, Rita Matías kamachiy killkakkunata hawaman churarka.
“Kunan Ecuador llaktapi, ñawpamanta kichushka kuskakunapi kunanka tiyarinchik, mana mayhanpash karashkachu, warmikuna, sumi wiñaykawsaypimi warmikuna mishashkanchik ” shinami riksirka, warmikuna achka hayñita charishkata riksirka, kullkita mana kushpa sumak yachaykunata hapirka “Washaman sakirishkapi mana yuyarina kanchik” nirka.
JS/KZ/jc-kichwa
