Kay América Latina, Caribe PNUD Ecuador llakta kullkiyarina llankayta rurashpa wakchayta urayachinkapa runakunata yanapakukta Jessica Faieta kamachik riksin, kay llankayta suyupi yalli hatun wiñariy kan nirka.
Mamallakta Tantanakuypi, ancha wakchayayta anchuchina mama Faieta rimarka, ñukanchikpak Mamallakta kay Objetivos de Desarrollo del Milenio llankaykunata paktachishaka. Ashtawankarin tikisi yachayman tukuykuna yaykurinata rimarka, warmikuna, pakta runakuna yallita yaykurina nirka, mana Mamallakta awllipilla kan, Mamallakta Tantanakuyta pushaypipash chaypimi kan.
Kay PNUD tantarita pushak, kay Ecuador llakta wiñariy yuyaypi achkata unipak wiñarishpa mushuk llankana ñankunata rurashka hawa riman, chayka Buen Vivir shutimi kan. Mama Jessica Faieta, kullkimanta llankaywan kimirishpa, América Latina imamanta llankayta chinkashka hawa rikuchirka. Shinapash kay llakikunamanta llukshinkapa Ecuador llaktaka, imashina llukshinatami yachashka.
Mamallakta Tantanakuypak wasiman achka runakuna chayamushka, paykunaka: karupi kikinllatak kamachikkuna, marka kamachik, kiti kamachikkuna, kunakkuna, shulka pushakkuna kaypi karka; ista kamachikkuna, ista llaktakunamanta rikurimushkakuna, Mamallaktapak hatun kamachikkuna.
PV/jc-kichwa
