Mamallakta tantanakuy Universidad Amazónica yachana wasita wiñachinkapa kamachiy mushukyarina kallari atinakuy tukurirka, kay kamachiyka mushuk yachana llikakunatami rikuchin, shina: shuktak markakuna, ñalla sucumbios llaktapipash tiyarinka mushuk llikata, karupi yachana wasikuna, shuk yachanakuna antisuyu markakunapi tiyarinka nirka.
Kay 12 kamachiy killkakuna rikuchishkata Educación, Cultura, Ciencia y Tecnología minkashkakuna allichishpa katinka, chaywan ishkayniki hatun atinakuyta Mamallakta Tantanakuypi pusharinka.
Kay hatun rimanakuypi tawka kamachiy killkakkuna, antisuyu markakunapi hatun Yachana wasikuna wiñarichun allimi kan nirka, kay yachana wasikunaka Mamallaktapi runakuna, kullki wiñarichun yanapanka. Shukatak kamachiy killkakkuna, shinallakta shuktak markakunapipash wiñarichun nirka.
Kamachiy killkak Milton Gualán, mayhan markapilla hatun yachana wasikuna tiyarikrinta willachun nirka, shinallatak tawka yachakukkuna hatun yachana wasiman mana yaykurishka nirka, Zamora Chimchipe markapi kawsak ayllukunaka llakipimi kan nirka.
Chay Santo Domingo llaktapi hatun yachana wasi tiyarichun rimarka, 7 200 pakta runakuna tiyan nirka, paykunaka pakta yachanata yachakmi kan nirka.
RSA/pv/jc-kichwa
