Kay Derechos Colectivos minkashka, Derechos Lingüísticos de Pueblos y Nacionalidades kamachiyta rikushpa katin. Chay patakuman Cristina González, Desarrollo Normativo hatun kamachik shamurka, chay Ministerio de Justicia kamaywasimanta shamurka, Cristian Pinos, SENPLADES kamaywasita yanapak shamurka. Paykunaka wakin hayñikunaka ñami nikishka kan nirka, chay llankayllatatak pushak ishkaychishka kamaywasikuna tiyan nirka.
Kallaripika, Cristina González, paypak shutipi kay kamachiy Mamakamachiy rimashka 57 nikita harkan nirka, chaymanta sapsita, ayllullaktata, imashina Mamakamachiy rimashkata paktachina, shnami runallaktakunapak sapsi hayñita paktachinka nirka.
Kipakamaywasi paktakaypi kikin shimipi rimashpa wanayta churana rikuchirka, shinallatak allikawsaypi, yachaypi runa shimikunapi rimashpa willana tiyan nirka, shinami chay Salud, Educación Intercultural, Comunicación, Código Orgánico de la Función Judicial kamachiykunapi runa shimimanta tiyan nirka.
Kamaywasikunamanta rimashpa González como Pinos kamachik, Secretaría Nacional de la Política Lingüística, Consejo de la Política Lingüística, Instituto Nacional de Lenguas Ancestrales, Direcciones de Lenguas Ancestrales kamaywasikuna llankaykunawan takarin nirka, imashinami Ministerios de Educación, Cultura kamaywasipash takarin nirka.
Kay hatun kamachikpak llankaykunaka hicharishka hayñikunata nikishkami alli rikuchin nirka, kay kamaywasikunaka chakchurishkami karka, chaytami kunan allichishpa paktashka nirka. Kay kamachiy rimashka yuyaykunwan paktankapa allita rikunami kan, SENPLADES kamaywasita pushak rimarka.
LM/pv/jc-kichwa
