Kay salud, educación allichina; Mamallakta allita kachun suyukunata wallpana kachun, chay rimanakunata Mamallakta Tantanakuypak 378 yupay tantari pusharirka, chaykunami Mamallaktapak kallari atinakuy karka, kay (Cootad) kamachiy, Mamakamachiy mushukyaykunawan achkata kimirin, shinami llaktakunapi allita llankanka.
Kay (Cootad) kamachiy mushukyay kitipak kikin llankayta mana llakichinkachu, allikawasay, yachay pushaykunatami rikunata charin, chay pushaykunata Mamallaktawan kimirishpami pushanata charin.
Kamachiy killkakkuna, 8 watapi suyukuna allichinata mana ushashkanchikchu nirka, chaymantami mitakunata shuyana ama tiyachun Mamakamachiyta allichina tukurka, suyukuna utkashpa saywarichun tiyarirka, allpakuna saywarichunpash churarirkami.
Kay Chay César Umaginga, Franco Romero, Henry Cucalón, Patricio Donoso kamachiy killkakkuna, yachaypi, allikawsaypi, ñankuna ruraypi, ñanta allichinapi kikinllatak karupi kamachikkuna rikunata charin nirka.
Kamachiy killkakkunapak rikuykunata chashkishka kipa, Mamallakta Tantanakuypak kipapushak Rosana Alvarado, kallari atinakuyta wichkarka, chayka kipaman allichirinka nirka.
JLVN/pv/jc-kichwa
