Mamallakta Tantanakuy Santuario Marino ñukancvhikpak Mamallakatapi wiñarichun yanapankami, mamakucha yukupi pachamama wakaychina, tawkasami kawsay wiñarichun yanapanka, chayka Islas Darwin y Wolf waytapimi ashtawankarin tiyanka, Galapágos wakaychinapash tiyanka, chayka achka kawsaykunata charikpi Mamallakta, ista llakta amawtakuna ukuman riksishkami kan. Kay waka allpaka 21 puncha, pawkar killapi kamachiywan riksirka .
Mamakucha ukupi waka tiyak, kunan pachapi kawsak runakunaman, kipa wata shamuk runakunaman kawsayta kunka, pachamamapak hayñita hapishpami kawsanka.
Mamallakta Tantanakuy arinishkapika, hatun kamachikpak ukupi tiyak kamaywasikuna kay waka hawa llankana kashkata riksin, Galápagos llaktapi chalwana kuskakunata rikunka, shinallatak Archipiélago de Galápagos kuskakunapi tiyashkata rikuchinka.
Shinallatak Mamallaktapak, ista llaktapak kamaywasikuna, tantarikuna mana kullkita mañashpa willayta kushpa yanapashkamanta kushikuyta kun, chay willaykunawan mamakucha wakata kuskachinata ushashkanchik, shina pachamamata, tawkasami kawsayta ukllanka, shinapash ñami Galápagos wakaychishka allpapi ukllashka karka.
Mamakucha ukupi tiyak waka, shuk tiburón riksina kachun wakaychishka 4 hunumanta, 5 hunu kullkikama mirachin, hapinallami 250 dólar kullki kan. Kay waka 33% patsakri hapinatami Galápagos llaktapi charin.
Kay Mamakucha waka 2014 watamanata riksichishka karka, chaypika 631 runakunami karka, 55 yachaykunata charirka, tantarita pushakkunawan 105 rimanakuyta charirka.
RSA/pv/jc-kichwa
