“Kay yuyari killkashkaman, kamuta rurashkakunaman chayachinka, chaywan economía del conocimiento yachayman yaykuchinka, shinallatak kullki wiñariman, ñukanchikpak ayllu wiñariyman yaykurinka, shinami sumaykawan kawsanata, llankanata usharinka, runakuna mañayta anchuchina kanka” shinami Mamallakta Tantanakuypi Mario Puruncajas runa, Federación Nacional de Ciegos, Fence rimarka, ñawsa runakuna killkashkaman yaykurinata usharinka nirka.
Ñawsa runamanta rimashpaka, 47.960 ñawsa runakunamantami rimakunchik, paykunaka shutita killkachishkatami charin, kikin pankatami charin, paykunamanta 65% patsakrimi, 45 watata charik hawaman kan, paykunaka hatun yachana wasipimi yachakun.
Mashi Mario Puruncajas pay tantari, 48 tantarikunata charin, chayka ñawsakunapak tantarimi kan, shuk yachana ukuta charin, chaywan 2010 watapi 5.725 ñawsa runakunata yachachishka.
Kay 2010 watapi, kay Organización Mundial de Ciegos, chay Patrocinio formal de Brasil, Ecuador y Paraguay tantarikunata katishpa, shinami Comité Permanente de Derecho de Autor de la Organización Mundial de la Propiedad Intelectual (OMPI) tantariman, kunan mushuk yuyarita rikuchishka, kaytami kunanka Tratado Marrakech, 2013 watapi Marruecos llaktapi rikuchishka karka.
Kay yuyarishka llankayman yaykurichun 20 kutintak arinishkakunata rimanka, 16 Mamallaktakuna arinishka kan, pichka Mamallakta kay ñanpi kan. Kay yuyarishka allpapachapi muyuna harkarishkami kan, wakintaka hawalla yallichishka rikurin, mana killkakpak hayñitalla, tukuy kikin yachayta harkashka rikurin.
RSA/pv/jc-kichwa
