Mama Gabriela Rivadeneira, Mamallakta Tantanakuyta pushak mushuk yuyayta wiñachishkamanta, kunan punchami Parto Humanizado kamachiyta atinakukun. Kay kamachiytaka: yachakkunawan, tantarikunawan, kamachikkunawan, mana kamachikkunwan rimanakuna yuyaymi kan. Paykuna mushuk nikikunata churashpa alli kamachiy killkarichun paktana yuyaymi kan.
"Yupaykunaka 40% patsakri wachaymanta, hampikkuna wachachishkata rikuchin, allpapachapi rikukpika 12% patsakri warmikunami wachachishka kan. Ecuador llaktamanta warmikuna mana chikanchu kanchik, wachachishkamanta kullkita hapin, chaytaka mana chaskinachu kanchik", shinami Mamallakta Tantanakuyta pushak rimarka. " Riksina hayñitapash charinchikmi nirka, tawkasami wachana ñan, maypi wachana kuskapash tiyanmi: kikin wasipi, wachachik wasipi, mana utkachishka, sumaychashka wachana kachun nirka".
Kay yachaypika kanchis hatun rimakkunami tiyanka. Sapan rimakkunami imashina mana llakiwan wachanamanta riksichinka, paykuna kawsaypi yachashkatami ashtawankarin riksichinka: amawta yachayta, tantarikunamanta ñakarishkata, chaymanta, imashina wallparikushkata, suyupi kay yachay mirarinamanta, kikin yachaymanta, yanapak kamachiymanta rimankakuna.
Yachachikkuna Suxanne Jacob, Centro Latinoamericano de Perinatología pushak, Salud de la Mujer, Reproductiva (CLAP/SMR-OPS/OMS) pushak; Thaís Brandao tantarimanta, Psicología Social por la Universidad de Santiago de Compostela warmi amawta kan – España (2012) watamnta shamuk, María Moreno de los Ríos amawta, “El Parto es nuestro” tantarimanta shamuk; kamachiy killkak William Garzón, payka Derecho a la Salud, minkashkata pushakmi kan.
Kay Parto Humanizado kamachiy, Ecuador llaktamanta Mamallakta Tantanakuyta Pushak yuyayta kushakami kan, chaymantami warmipak ukunmanta, runakunamanta, warmipak uku aychan hawa, kawsay tarpuymanta, tantarikunatapash rikunka.
Jc-kichwa
