Tukuylla hampi llikamanta 37% patsakri wachashkami chukrichishpa wachaska kan, warmikuna imashina wachanata akllashpa, mana chukrichishpalla wachachunmi Mamallakata Tantanakuy kunan tutamanta wachachikkunwan, hampikkunwan shuk yachayta charirka, chaypimi Organización Mundial de la Salud, Red de Parteras tantarikuna karka, hamikkunami mamakuna tukuyta tapushkata tikrachirkakuna, mayhanwantak yanaparishka kanatapash tapurka.
Ñami ishkay killa kan, Maritza Flores kay allpapachaman uchilla Dana warmi wawata apamurka, ishkay niki kari wawami karka, ishkaykutin mayhan yanapakta mana charirkachu, ishkantin churitami paypak wiksa mamata chukrichishpa wacharka. “Kikinllatak wasipi wachanata munayman karkani, chukrita kutintak allichinkapa achka punchakunatami apan, nanaytami apamun. Kay mushuk kamachiyka parto humanizado mutsushkami kan, katikushkamanta achka willaytami charina kanchik, mamapash alli kachun, wawapash alli kachun”, shinami Maritza rimarka.
Wachaypi llakichishka hawa rimashpa, shina llakika mirarishkami kan Mamallakta Tantanakuyta pushakmi shina rimarka, mana llakishinami rikurin “wachakpak munayta ima riksishka, wakcha kakpi, mana killkanata yachakpi shitashka, manchachishka, tsiknishka kan”.
Wachachik, Eréndira Betancourt, kay parto humanizado yachayta Ecuador llaktami sinchitami. “Warmi mana llakirishka wachanka, manarak wachakpimi allichina kan. Pay kushilla, hayñita yachachun, nunapi sinchi kachun, aychapash uksi kachun”nishpa, rimarka. Kaywanmi Thaís Brandao, Psicología Social por la Universidad de Santiago de Compostela amawta kay yuyaywan kimirishka karka, warmita hampikpika upallallami kan nirka. “Runa yanapaywan wachayka mana utkanami kan, sumaychaymi mutsurin”.
Kay llankaytaka Mamallakta Tantanakuypak allikawsay minkashkami pushakun, paykunami Parto Humanizado kamachiyta arinichinka, kunanshina yachaykunata charichun shuyanchik nirka, kay nikikunata achkatami atinakun, kaymantami alli yuyaykunata kamahchiyta killkankapa hapina “ kay yachaykunaman hatun paskashka kamachiy arinirinka, tawka rikuykunatami charina kan nirka, shinami Derecho a la Salud de la Asamblea Nacional, William Garzón kamachiy killkak rimarka.
Jc-kichwa
