Mamallakta Tantanakuy wacha puncha llakirishka markakunata yanapanka ñapash llankaykunawan kallarishka. Tawka llankaykunata ruranka: “Ayudatón” sutiwan kallarinka, chayka: wasita allichinkapa nipakunata tantanka; yanakapak runakuna churanka; mikunakunata tantanka; kullka wasita churanka; yawarta kunka, shuktakkunata tantanka. Mama Gabriela Rivadeneira, Mamallakta Tantanakuyta pushak, tukuytami kimirishpa pushanka, tukuykuna yanapashun nishpami kayanka, kamachiy killkakkunalla mana yanapankachu, tukuykuna yanapanka.
Mamallakta Tantanakuy yaku pukputa, yurak mishki pukchata, alinku iriri, pinchana panka kururu, pusku kawitu tantarka. "Ñukanchikpak awllikkunapak tawka yanapay, Mamallakta Tantanakuypak muyuntinpi kawsak runakuna yanapayta sakinkapa chayashka", shina rimarka. Kapukkunaka, ziru, anta mikuna, alli churarina, hampikuna, picharina pintu, kaykunata Ministerio de Inclusión Económica y Social kamaywasiwan chayachinka.
Kullkiwan, Ayudatón yanapay
Mama Gabriela Rivadeneira, Mamallakta Tantanakuyta pushak, Bloque PAIS tantariman kimirishka kamachiy killkak, Mamabí llaktapi allpa chukchuywan llakirishka runakunata yanapankapa arinirkakuna, llankay kullkimanta sapan killapi, ishkay killakaman 10% patsakri kullkiwan yanapanka nirka.
Kay munaywanllatak, kay hunka tukuripi“Ayudatón” llankay kllarinka, wasita allichinka nipakunata tantachinka. Mama Gabriela Rivadeneira Mamallakta Tantanakuyta pushak, tukuylla kamaywasikunata, nipata katuk wasikunata kayanka. “Ancha llakita charinchik”, shinami, Mamallakta Tantanakuyta pushak Manabí markami yalli llakita allpa chukchuypi charishka, munuypi llakirishka karka, kunanka yalli anchami kan.
“Ky llakikunata rikushpa Mamallaktapika yalli yanapayrikuna, tantarikuna tiyan. Ñukanchik charishakunawan ñukanchik tantarina kanchik, shinami kay wakllirishkata allichinka Mamallaktapi yallita llankana kanchik ”, shinami Mamallakta Tantanakuyta pushak rimarka.
LM/mg/jc-kichwa
