Mamallaktata yanapankapa Sinchi shunkuwan, arinishkawan Mamallakta Tantanakuymanta tantarishka 62 awllikkuna llaki kuskaman rirka, paykunaka Fuerte Militar del Ejército kuskapimi llankakun, chay wasika Portoviejo kitipimi sakirin.
Chay kuskakpimi yanapashka nipakunata tantachin, akllan. Shinallatak mikunakunata, mayllarina nipakunata Mamabí llaktapi llakirishka runakunaman chayachin, ashtawankarin yallita llakirishka ayllukunaman chayachin, kayami shuktak tantarishka runakuna Mamallakta Tantanakuymanta chayanka.
Kallaripi mutsurikkuna
Tukuy yanapaymi mutsurin, kunanpi hampikuna, mayllarinakunami yallita mutsurin, chayka: picharina pintu, warmipak uku churarina, yaku, nanayta samachik hampi, kallaripi rikuna runakunaka (wawakuna, chichu warmikuna, yuyak runakuna) achka yanapayta mutsun.
Tantarishka runakunapak, Mamallakta Tantanakuypak awallikunapak llankayta riksin, paykunaka ayllukunata sakishpa, paykunapak llakirishka wawki runakunata ushayta churashpa yanapan. Tukuykunami Ecuador llaktamanta kanchik, shuklla makita charina kanchik, yanapana kanchik, yanapankapa chapakunami kanchik.
Tantarishka runakunapak yanapay, shuktak yanapayta mashkashpa willaykunaka mama Gabriela Rivadeneira, Mamallakta Tantanakuyta pushapak shunkumanta llukshihskami kan. Mamallakta Tantanakuymamanta llukshik tantarishka runakuna, Ecuador llaktapi rikurik llakikunapi yanapankapami tiyarina kan, shinami Roberto Díaz yanapakuk kamachik riman.
MG/pv/jc-kichwa
