Wacha puncha, allpa chukchukpi wasikuna tuñirishpa llakichishka runakunaman yanapaykuna mana samarishkachu, shinallata Mamallakta Tantanakuymanta kapukkunata chayachina, kachana, ayllukunaman rakina mana samarichun. Kay yanapaykunataka kitimanta runakunami churashka. Kunanka ishkay hatun antawatami kachashka. Chaypak Mamallakta Tantanakuy sinchita llankakun.
Kapukkunata, paypurata akllashpami kipita rurashka: hatun, uchilla, paktalla iskankunapi churankuna. Watanta wincha, tullpukami imashinami kapuk kashkata rikuchin, shinami kayman, chayman kipikunata kuyuchikpipash mana chinkarin. Yaku pukpukuna intiwan ama kunukyachun killpashkami kan. Allpa chukchuy turikpika, kunanka Quito llaktapika intimi kallarishka, shuktak chirikunukmi kan.
Kunan chawpi puncha hatun aparik antawapi kipikunata apachinkapa kallarin, kay kapukkunataka Ministerio de Inclusión Económica y Social kimirishpa chayachinka. Puñuna hatakunami antawapak kuskakta yalli killpan. Waksiwan yananuta, hampikunata, tuzuta, kikin mayllarinata churanmi, mana wakllirik mikunakunatapash churarka.
Mamallakta Tantanakuy yanapaykunata tantashpa, shuktak yanapaykunata mañashpa katin, shinami Ecuador: “Ayudatón por la Reconstrucción” shutiwan runakuman kayan kullka, 21 puncha, chaska 22 puncha chayanka. Mamallakta Tantanakuypak Ankiwan, TV L karurikuchikwan willanka, shinami wasita rurankapa nipakunata tantanka. Yanapay katichun shuyanchik, llakirishka runakunaka mutsushpami katin.
LM/pv/jc-kichwa
