Mama Gabriela Rivadeneira, Mamallakta Tantanakuyta pushak runakuna rikcharichun kayarka, 16 puncha, ayriwa killapi, allpa chukchuy tiyashka hawa, kay Ayudatón Reconstrucción willaywan kallarirka. Kaynamanta 60 willana ñankuna kay willaywan yanaparka.
Kayna puncha llankaywan, kay hatun willay 16 saylla llankayta pushan. Kunan pachapi, llaktayukkuna, uchilla hatun llankak wasikuna, Mamallakta Tantanakuypi llankakkuna, paykunapak yanapaywan chayarka.
Shinallatak, kunan pachaka takikkuna, paykuna uyarikkiknawan, takikunawan kawsayta, kuyayta kushpa yanapashka. Mamallakta Tantanakuypak Radio de la Asamblea, Televisión Legislativa willana ñankuna achkata yanapashka. Tukuy runakuna kullkiwan wasichina nipakunawan yanapachun mañashka, shina tukuy llaktakuna tantarichun mañashka, kay willaypak yuyay kan nirka.
Kari warmi, kamachiy killkakkuna, kay hatun willayta yanaparka, wakinkuna payllatak wakinkuna shukpak makiwan yanaparka.
Mana kay hatun willaylla kashkachu, sarunamantami pakta runakuna, kullkiyuk wasikuna willashpa llankamun, shinami: Banco del Pacífico, Ayudatón por la Reconstrucción shutiwan 1049488252 yupayta churarka, shinallatak istallaktakunaman Código Swift: PACIECEG ñanta churarka. Kay Federación de Estudiantes Particulares del Ecuador (FEUPE) tantaripipash kullkita tantachishpa katin, achka runakunami yanapakun.
LM/pv/jc-kichwa
