Kay Ecuador llaktapi allpa chukchuywan llakirishka runakunaman yanapayka allpapachapak shuktak llaktakunamantami chayamukun, shinami Estados Unidos, Paulina Aguirre ganadora del Grami Latino, Festival de Viña del Mar takikkuna yanapakun, karu uyarikmanta kayashpa, chay llaktapi purikk runakuna yanapayta mashkanpa kallarishka riman. Shuk tantarishka takikkuna Estados Unidos llaktapi kawsankuna, uku churarina shuk hatun kipita charikun.
Paymanta, Ecuador en Los Ángeles ista wasi, Diego Jaramillo ista kamachik, uchilla hillaykunata, picharinakunawan yanapankapa kullkita mashkakuni nirka, chaytami kachanka.
Pay Viviana Zambrano, Asociación de Manabitas en España tantari pushak, Manabí llakta wakllirishkamanta shunkumanta llakirin, paypak kuyashka ayllupak karupi kashkamanta achkata nanarini nirka, chaymanta aylluman, paypak Mamallaktaman kamarita, kuyayta kachani nishpa rimarka.
Mamallaktapak Ankiman, llaktayuk Carlos Vargas chayamurka, ashalla kullkiwan yanapani nirka, chaymanta 300 dólar kullkita kurka.
Kamachiy killkak Mauro Andino, mama Gabriela Rivadeneira, Mamallakta Tantanakuy Pushakta, kay llankayta churashkata yupaycharka, Mamallaktaka kay sinchi llakimanta llukshinkapa tukuykunapak yanapaytami mutsun nirka.
Kikinllatak karupi kamachikkuna, maypimi mushuk wasikunata rurankapa utkashpami arinita charin, shinami tukuykuman achikyachishpa rimarka.
JLVN/pv/jc-kichwa
