Kay “Ayudatón por la Reconstrucción” willaypi, Uruguay llaktamanta, José Mujica, mama, Gabriela Rivadeneira, Mamallakta Tantanakuyta Pushakwan rimarishpa, 16 puncha, ayriwa killapi, Manabí marka, Esmeraldas markakunapi allpa chukchuy llaki tiyashkamanta Ecuador runakunawan nanarishpa napayta chayachirka.
Paypak rimaypi “llaki pachapi, yallita charikkuna, kay ancha llakita charikkunaman, wasikuna, llankaykuna, llankaywasikuna wakllirishka sakirishkakunaman yanapachun nirka”.
Kay Ecuador llaktapi kawsak kuyashka runakuna, wakinpika pachamaman ñukanchik llakichin. Runakunata wañuchimi yalli llaki kan, kawsachinata ña mana usharin, achka runakuna wasi illak sakirishka, tukuykuna yanapayta mutsurin, shinami Uruguay llaktapak kipapushak rimarka.
Ñukanchikpak mashi Correa, kanpak shimiwan tukuy Ecuador llaktapi kawsak runakunata napanchik, yalli yanapaymi mutsurin, Mamallakta churashka tupukunawanmi kimirina kankichik, chaymi ñawpakman sakirin; wañushka runakunata kutintak kawsachinata mana ushanchik.
Paypak uchilla Mamallaktapi mana allpa tuñiri tiyan, shinapash yaku nuyuy tiyan, akapana tiyan chaykunami chawpi kitita wakllichishka, shinami runakunapak kawsay wakllirishka. Kay llakikunamanta mana anchurinchikchu nirka.
Kunan mushuk runakunaka, ñawpa pachapi kawsak runakunamanta karupimi kanchik, kunanka sapallakunami llakimanta allichirinata munachik. Runakunaka yanapayman kimirina kan, mana shuktak ñan tiyanchu. Kay kawsaymanta ima pachapipash anchurishunmi, mashnata charishpapash mana aparishpa rishunchu, nishpa rimarka.
Kikiwan Ecuador llakta. Apyayala llakta kikinwan. Hatun kamachik kikinwan, shinami ñawpa Mamallakta pushak José Mujica rimarka.
JLVN/pv/jc-kcihwa
