Mamallakta Tantanakuy Pushak, Gabriela Rivadeneira, 383 tantariman 09:30 sayllata, wanra puncha kayarka, chaypi Equilibrio de las Finanzas Públicas kamachiyta atinakunka, dólar kullki sinchiyanata, Mamallaktapi llankayta charirayana, kapukyayta charirayana; unkuykunata anchuchina; churashka kullkita ama panta paktachichun; alli rakina, paktakaywan, paktarakiwan rurana.
Kay Régimen Económico minkashka wasita charik, yurak mishkita upyana yakutaka 17 uchilla kullkita churashka, ñuñuta, ñuñumanta llukshik kapukkunata mana wichiyachinkachu, 50% patsakkri yallita charik hulluta mana wichiyachinkachu. Kay kapukkunaka edulcorantes hampita charik, kutintak alliyachik kapukkunami kan.
Puskuyuk upyana yaku, sapan hatun pukpupi 13 uchilla kullki wichiyan, paktalla 6 uchilla kullki wichiyan. Kay shayrita, 2016 watapi shuk uchilla kullki wichiyashkata rikuchin, 2017 watapi shuktak, shuk uchilla kullki wichiyanka.
Tisiku runakuna mana churashka kullkita kushpa antawakunata pushamunata ushan, chayka 60 llankay kullkiwan paktami kanka. Ishkayniki atinakuypi antawayukpak makimanta rantina
Kikinllatak karupi kamachikkuna punchanta 10%, shinallatak 21% patsakri kullkita hapishpa katinka, mashna kullkita hapikushkata rikuchishka, mashnata kuchikama kanka.
Chay paktakay, pakta rakina tiyachun, shinallatak uchilla llankana wasikuna achka yanapayta charinka, kay Mamallaktapi tiyak llankay wasikuna ñawparayashpa churashka kullkita kukkuna yanaparishka kanka, chayka 66 waranka llankak wasikuna tiyan, ñawpakma chikan llankak wasikuna tukushpa ashalla churashka kullkita kunka.
Jc-kichwa
