Kamahiy killkak Alex Guamán, Karyna Sánchez payta katikpash “Ecuador estamos contigo" llankayman kimirinkuna, kay llankaytaka Centro Migrante Ecuatoriano, Miami llaktapimi pushakun, Estado de la Florida llaktapi sakirin, chay Estados Unidos llaktamanta 16 puncha, ayriwa killapi tuñiri tiyashka llakiman yanapankapa kan.
Kay Alex Guamán, Karyna Sánchez kamachiy killkakuna, Ecuador llaktapak shutipi Estados Unidos, Canadá llaktakunapi llankakmi kan, llakirishkakunawan, mashikunawan kimirshpami, kari warmi wawkikuna, panikunawan kimirishpami llankakun, chaypak Centro Migrante Ecuatoriano ishkaytukushpa sinchita yanapayta mashkakun.
Ecuador llaktamanta chay llaktapi kawsakkuna alli shunkunata charikta riksishpa, mana saywashpalla, anki, karurikuchik willak hillaykunata katishpa yanapayta mashkakun, apyayala ayllullaktaman willayata churan, paykunawan “Ecuador estamos contigo” llankaywan Miami llaktapi kallarin, kay llaktapi kawsakkuna Ecuador llaktaman yanapashun nirka.
“Kay llaki pachakunami tukuykunata wawkiyachin, yanapakkuna, karakkuna kashun; ñukanchikpak yanapaywan, Pachakamakpak ushnuywan ñawapakman llukshichun”, shinami Guamán kamachiy killkak rimarka.
jc-kichwa
