Mamallakta Tantanakuy Gabriela Rivadeneira pushak rikurishpa istallaktapak yanapayta chaskin, chay yanapayka Ecuador llaktapi kawsak runakunamanmi chayan, kay yanapayta 7.8 Richter pata allpa kuyurik tiyakpi tawka ayllukuna llakirishkata yanapankapami kan, chay llakika 16 puncha, ayriwa killami urmarka, Manabí, Esmeraldas markakunami wakllirishka.
Paymanta Roberto León Ramírez, Grupo Geopolítico de Latinoamérica y el Caribe tantarita pushak, shinallatak Unión Interparlamentaria, (GRULAC) tantarita pushak “ mashikunata, wasita, tarpuyta, llankayta, aylluta, shuktakunapash chinkashkamanta shunkumanta nanarita rikuchirka”.
Paymanta, Parlamento Latinoamericano Pushak, Elías Castillo, chay tantaripi rimashkata willarka chaytaka PARLATINO tantarita pushakpak rimaywanmi chayachirka, Gabriela Rivadeneira Burbano Mamallakta Tantanakuyta pushakmi paypak rimaywan Ecuador llaktapi kawsak runakunapak ushaypi churarka, kay sinchi punchakunapi shuk yanapayta kacharka.
Yapa, chay Cámara de Diputados de Bolivia, Gabriela Montaño shunkumanta achkata nanarishpa “ Paypak shutipi, Allpa tuñirishkamanta Ecuador llaktapi kawsak runakuna imashina hatun llakita aparishpa, shunkumanta nanarishpa napayta chayachin, shinami wañushkapak, ancha llakita hapishkapak aylluman achka nanarita chayachin. Shinami Estado Plurinacional de Bolivia, Ecuador llaktapak hatun kamachikwan hatun nanarita chayachimun”.
Tukuchinkapa, Parlamento de Ucrania hatun tantari, Andriy Parubiy hatun kamachik, Ecuador llaktapi kawsak runakuman, shuk hatun nanarita, yanapayta chayachimurka, shinami tukuy llaktakuna yanapayta rikuchirka.
PV/jc-kichwa
